Nitumereryaneke Ovara Miteko Sooreera Mwa Nthiti

AHéberi 10:24 onnitumererya ‘wupuxeryana mukina ni mukhw’awe, nakuviheryanaka ophenta n’uvara miteko sorera’. Nnoowerya waalipiha annihu orweela wa ntakiheryo nahu ni masu ahu anooniherya waamini. Mwaaleeleke anna itthu sooreera sa muteko woolaleerya. Masi-tho musyake waalikanyiha ni nyuwo wala ni anna akina. (aGal. 6:4) Mwiimananiheke waatumererya “ophenta n’uvara miteko sorera”, ohiya waakhanyererya ovara miteko sooreera. (Nwehe eliivuru Escola do Ministério, epax. 158, etti. 4.) Naatumererya moophenta, nto awo anoovara mootaphuwa miteko sooloka, ntoko waakhaliherya akina ni itthu sirina aya, wala olaleerya.​—2 aKor. 1:24.