Moota Woopaka Ikomentaario Sooloka

Ikomentaario sooloka sinnilipiha muloko. (aRo 14:19) Nave sinnaaphwanyiha mureerelo ale anipaka. (Mir 15:23, 28) Tivonto, vanireerela aya opaka ekomentaario hata ekhalaka emosa khula muthukumano. Ekeekhai wira khivaniweryaneya ovahiwa eparakha ya waakhula khula okathi oneemexa ahu moono. Tivonto vanireerela aya olokiherya ikomentaario sinceene ni soovirikana.

Ekomentaario yooloka tiile . . .

• yookhweya, yowiiwanyeya, ni yookhuveya. Ikwaha sinceene vanniweryaneya opaka ekomentaario ehinivikana isekuntu 30.

• mutthu onivaha awe orumeelaka moolumo awe.

• ehinitthikela oromola masu mamosaru yaakhuliwe ni mutthu mukina.

Vakhala wira nyuwo munipacerya othanliwa . . . 

• mwaakhuleke nikoho nipakiwe mooluluwanya.

Vakhala wira nikoho nihaakhuliwa, nyuwo pooti . . .

• wooniherya moota yoolepa emosa eromoliwe eniiwanyeiha aya wala enivarihana aya ni mwaha onithokoreriwa.

• wooniherya moota mwaha owo onnikhaliherya awe.

• wooniherya ovareleya waya muteko mwaha owo.

• opaka nlikanyiho wala yowiiraneya eniiwanyeiha eponto yuulupale ya mwaha owo.