“Mwaattittimihe Atithinyu ni Ameyanyu”

Okathi Yesu aari awe valaponi, owo aahittittimiherya yooruma yoowi: “Mwattittimihe atith’inyu n’ame anyu”. (Okh 20:12; Mat 15:4) Yesu aahilavula moolipiherya okhala wira owo “aniwiwelela” anamuyari awe okathi aari awe mmiravo. (Luk 2:51) Nuumala wunnuwa, Yesu aahipaka mareheryo wira amamawe akhapeleliwe nuumala owo okhwa.​—Yoh 19:26, 27.

Mahiku ala, amiravo maKristau anniwiiwelela anamuyari aya ni annooniherya wira annaattittimiha. Tthiri, yooruma ya waattittimiha anamuyari kherina mukano. Hata anamuyari ahu yuuluvanle ene, nihaana ovikaniha waattittimiha wira nittottele mureerelo miruku saya. (Mir 23:22) Nave-tho, ninnaattittimiha anamuyari ahu oowuuluvala, vaavo nnaakhapelela ahu ni waavaha musurukhu. (1 Ti 5:8) Hata niri ene mmiravo wala mutthu muulupale, ovikaniha waakhaliherya anamuyari ahu enamuna enooniherya waattittimiha.

NWEHE EVIIDIYU YA EKWAATURU YOOTTEELA ENI: KINROWA OWERYA SAI OVAANELA NI ANAMUYARI AKA? NUUMALA-VO MWAAKHULEKE MAKOHO ALA ANITTHARELANA:

• Xeeni munoona anyu ovila ovaanela ni anamuyari anyu?

• Munrowa waattittimiha sai anamuyari anyu okathi munivaanelana anyu?

  

• Xeeni vanireerela aya wiimananiha wira nvaanele ni anamuyari anyu? (Mir 15:22)