“Warerela Murima Apwiya [Yehova]”

Olelo-va, ninrowa “warerela” sai “murima Apwiya [Yehova]?” (1 Wa 29:5, 9, 14) Malakiheryo anittharelana, annooniherya inamuna sinceene soovaha misonkheryo wira nikhaliherye muteko wa Anamoona a Yehova muloko ahu ni olumwenku wotheene.

MISONKHERYO SINIVAHIWA MUSAITINI MWAHU WALA MUKAAXANI YA MISONKHERYO:

• 

  MUTEKO WA OLUMWENKU WOTHEENE

  otekiwa ni olokiheriwa ifiliyaali ni mapuro anitaphuleliwa iliivuru oottaivela oBetheli

  ixikola sa Muluku

  arumeyi a vameekhaaya anivara muteko wa Muluku mwa okathi wotheene

  okhaliheriwa atthu okathi wa ihasara sa ephattu

  wimpirimiriwa iliivuru, opakiwa iviidiyu, ni oheliwa iliivuru mwinternetini

• 

  MUSURUKHU ONIRUMEELIWA NI MULOKO

  musurukhu onirumeeliwa ni muloko, sintoko oliva waala othuma itthu sinitthuneya, ni olokiherya itthu sa Empa ya Omwene sihononen’ye

  musurukhu muloko oniroiha aya ofiliyaali onnirumeeliwa wira:

  • sitekiwe Inupa sa Omwene ni sa Asembeleya elapo yotheene

  • epakiwe mareheryo a Waakhaliherya Anna a Olumwenku Wotheene

  • sipakiwe miteko sikina olumwenku wotheene

MITHUKUMANO SUULUPALE SA MUTTETTHE NI SA ESIRKWIITU

Misonkheryo sinivahiwa okathi wa muthukumano muulupale sinniroihiwa wira okhaliheriwe muteko wa olumwenku wotheene. Nuumala-vo, muteko wa olumwenku wotheene onnikumiha musurukhu owo wira orumeeliwe okathi wa muthukumano muulupale wa muttetthe, ni muthukumano wa vameekha aya.

Misonkheryo sinivahiwa okathi wa muthukumano wa esirkwiitu sinniliveriwa opuro onipakiwa muthukumano akhala wira orimoolihiwa, othummwa ni oreerihiwa ikaruma sa esirkwiitu ni itthu sikina. Waanyiheryasa Esirkwiitu pooti othanlaka oroihaka musurukhu owo wira warumeeliwe mmutekoni wa olumwenku wotheene wa Anamoona a Yehova.