MAKHALELO A MAKRISTAU

Yehova Onrowa Woonela Sai?

Nihinatthi opaka soothanla suulupale wala saamukhaani, vannireerela wiikoha so: ‘Yehova onrowa woonela sai?’ Nnaamwi nihisuwelaka itthu sotheene Yehova onuupuwela awe, owo onnimurumeela Biibiliya wira onisuwelihe itthu nikhanle ahu oopaka wira nikhale oolikaneene ovara “miteko sorera”. (2 Ti 3:16, 17; aRo 11:33, 34) Yesu aanisuwela yootthuna ya Yehova ni aahipaka eyo okhala etthu yootepa otthuneya mookumini mwawe. (Yoh 4:34) Sintoko Yesu, nihaana wiimananiha vanceene opaka soothanla sinimusivela Yehova.—Yoh 8:28, 29; aÉf 5:15-17.

NWEHE EVIIDIYU ENI: MUSUWELEKE ITTHU SIMMUSIVELA YEHOVA (ONA 19:18), NUUMALA-VO MWAAKHULEKE MAKOHO ALA ANITTHARELANA:

Xeeni nintthuneya ahu weettelaka malakiheryo a Biibiliya?
Malakiheryo xeeni anrowa onikhaliherya othanla isipo sooloka?
Malakiheryo xeeni anrowa onikhaliherya othanla saana ikuwo sahu ni moota wowiitthokiha?
Okathi xeeni-tho nintthuneya ahu ovarihela muteko malakiheryo a mBiibiliyani?
Ninrowa osuwela sai saana yootthuna ya Yehova?

Amiravo Anamoona a Yehova a makhuli oovirikana, ewanre ene ikuwo sa inamuna soovirikana, elathaka efootu — Soothanla saka sinooniherya exeeni voohimya sa waataana waka ni Yehova?