Yehova Khonliyala Miteko Sanyu Sooreera

Arumeyi otheene a Yehova anoowerya opaka itthu sooreera Muluku ohinrowa awe oliyala. Ntoko namuyari onaaphenta anaawe ni ohinrowa oliyala miteko saya sooreera, nave Yehova khonliyala miteko sahu sooreera ni ophenta nnooniherya ahu mwaha wa nsina nawe. (Mat 6:20; aHé 6:10) Ekeekhai wira, makhalelo ahu ni sookumanana sahu sinnivirikana. Hata vari siiso, akhala wira nnimwiimananiha opaka ele eniwerya ahu mmutekoni mwa Muluku, nnoophwanya ohakalala. (aGa 6:4; aKol 3:23) Mwa iyaakha sinceene, aakhala anna ni arokora imilyau sinceene arumenle oBetheli. Niireke munniphavela wiivahererya wira mwakhaliheryeke oBetheli? Akhala wira khamunwerya, nyuwo pooti omutumererya munna mukina wala murokora wira opake eyo. Wala nyuwo pooti omukhaliherya munna onirumeela oBetheli wira ohihiye muteko owo wa vameekhaaya.

NWEHE EVIIDIYU ENI: MWIIVAHERERYE WIRA MWARUMEELEKE OBETHELI, NUUMALA-VO MWAAKHULEKE MAKOHO ALA ANITTHARELANA:

• Nikhalaneke yoolakela xeeni naaphavelaka orowa orumeela oBetheli?

• Etthu xeeni atthu akina ahimmye aya voohimya sa ohakalala mutthu oniphwanya awe vaavo onirumeela awe oBetheli?

• Exeeni mutthu okhanle awe oopaka wira ophwanelele orowa orumeela oBetheli?

• Munrowa wooniherya sai wira muri oolikaneene wira mwarumeeleke oBetheli?