“Muthipelele Ophavela Itthu Iya”

Itthu xeeni? AFilipi 4:8 onihimya wira nihaana ophavela itthu sikhanle sa ekeekhai, soottittimiheya, sa exariya, sooloka, soophenteya, soophwanelela, sa nlema ni soottottopeleya. MaKristau khanikhanyereriwa okathi wotheene wuupuwelelaka paahi myaha sa mBiibiliyani. Masi hata vari siiso, itthu ninthanla ahu wuupuwelela sihaana omusiveliha Yehova. Nihaana okhootta wuupuwelaka itthu sikhanle ootteettheiha yoophavela ahu ya okhala oororomeleya wa Yehova.​—Esa 19:15.

Khivanikhweya osyaka miyuupuwelo soohiloka. Nihaana okhootta soophavela sa erutthu ahu yoohimalela ni omukhoottela Satana yoowo ori “muluku a vathíva”. (2 aKor 4:4) Okhala wira owo toneettiha mitthenkeso sa olumwenku ola sinilaleya ihapari, itthu sinceene sinooniheriwa mutelevisauni, muraadioni, mwinternetini, ni muliivuruni, khahiyo sooloka. Nto naahithanleleke saana itthu nimphavela ahu osariha mmuupuweloni mwahu, muupuwelo ahu onoohononeya ni nnoopacerya opaka itthu soohiloka.​—Ya 1:14, 15.

NWEHE EVIIDIYU ENI: MUSYAKEKE ITTHU SINIHONONA OROROMELEYA—OTTHEKULA WOOHILOKA, NUUMALA-VO MWAAKHULEKE MAKOHO ALA ANITTHARELANA:

• 

  Etthu xeeni yoohiloka munna ole aamakela awe oweha mutelefonini mwawe, nave eyo yaakumihenrye mixankiho xeeni?

• 

  Moota xeeni yoolepa ya aGalasia 6:7, 8 ni Esalimo 119:37 yaamukhalihenrye aya?