“Elapo Yotheene Yaarina Elavulelo Emosa ni Moolumo Mamosaru”

Map 11:1-4, 6-9

Yehova aahivirikanyiha elavulelo ya atthu oohiiwelelela yaakhala muttetthe wa oBabeli ni ahaamwarexela mulaponi motheene. Olelo-va, Yehova onnathukumanya atthu a muttitthi muulupale a ilapo sotheene ni a ilavulelo sotheene. Yehova ‘onnireriha iyano’ sa atthu awo wira otheene aya ‘emulompeke yena pahi, ni wira emurumeleke ni murima mmosaru’. (So 3:9; Wis 7:9) ‘Orerihiwa wa iyano’ sa atthu awo onihela muhina osuwela ekeekhai voohimya sa Yehova ni soolakela sawe siri mBiibiliyani.

Wiixutta nttaava nsya khonitaphulela osuwela mooluno masya paahi. Nyuwo muhaana wiixutta wuupuwela mwa enamuna yoovirikana. Moolikanasa, wiira niixutte ekeekhai, nihaana oturuka muupuwelo ahu. (aRo 12:2) Opaka eyo khivanikhweya, vanitthuneya opaka marukunuxo moohihiyererya mookumini mwahu wira nikhaleke oowiiraana ntoko atthu a Yehova.​—1 aKor 1:10.