Etthu Xeeni Enitepa Aka Ovaha Efaita Mookumini Mwaka?

Yakobe aahiwana ni nlaikha wira aakhele etthu yootepa otthuneya, eyo piiyo, mareeliho a Yehova. (Map 32:24-31; Ho 12:3, 4) Ankhi hiyo? Niireke ninniimananiha vanceene omwiiwelela Yehova wira naakhele mareeliho awe? Mwa ntakiheryo, vaakhanle wira muniphavela orowa omuthukumanoni ni ovara iwoora sinceene omutekoni, mwaarowa othanla exeeni? Vaavo nninvaha ahu Yehova okathi ahu, ikuru sahu ni mireerelo sahu, owo onoonireeliha ‘wa khula enamuna’. (Mal 3:10) Nave owo onoonikhapelela ni onoonivaha itthu sotheene sinnithowa.—Mat 6:33; aHé 13:5.

NWEHE EVIIDIYU ENI: MUHIHIYE SOOLUKAMA SANYU SA OMUNEPANI, NUUMALA-VO MWAAKHULEKE MAKOHO ALA ANITTHARELANA:

• 

  Murokora ole eehereriwe sai ni etthu yaamusivela?

• 

  Muteko ahu oniwerya sai onikumiherya mixankiho?

• 

  Xeeni Timótheyo aatthuneya awe nlelo okhalana soolukama sa omunepani nnaamwi aari oowunnuwela mmukhalelo wa omunepani?—1 Ti 4:16

• 

  Ninrowa wooniherya sai muteko onitepa onisivela mookumini mwahu?