MAKHALELO A MAKRISTAU

Mukhaleke Oowiiyeviha Okathi Munttottopeliwa Anyu

Ikwaha sikina, atthu akina pooti onittottopela wala onivuwiha. Eyo pooti onilipiha akhala wira ninttottopeliwa mwa enamuna yookhalela ni mathowa ookhalela. (Mir 15:23; 31:10, 28) Masi hiyo nihaana okhalana ephoole wira nihiixoone okhala atthu a vasuluxa wala oowiixinnuuha.

NWEHE EVIIDIYU ENI: MUKHALEKE OOROROMELEYA NTOKO YESU—MWAATTOTTOPELIWAKA, NUUMALA-VO MWAAKHULEKE MAKOHO ALA ANITTHARELANA:

Itthu xeeni woonasa wene nikhanle ahu ottottopeliwa?
Mwa enamuna xeeni anna ale yaamuttottopenle aya Sergei?
Moota xeeni omuttottopela waya waari aya woohikhalela?
Etthu xeeni nniixutta ahu ni moota Sergei aakhunle awe moowiiyeviha?

Efootu ya eviidiyu eni ‘Mukhaleke Oororomeleya Ntoko Yesu—Mwaattottopeliwaka,’ emooniheryaka Sergei ori ene owannya awe munna mmosa weiwo olattuliwe awe, aakhulaka moowiiyeviha okathi onttottopeliwawe mootepana ni anna.