MIHAKHU SINIKHUMA MBIIBILIYANI | OKHUMA 10-11

Moise ni Aroni Yaahooniherya Olipa Murima Wuulupale

Okh 10:3-6, 24-26, 28; 11:4-8

Moise ni Aroni yaahooniherya olipa-murima wuulupale ni ohoova okathi yaalavula aya ni Farawo, mwene yoowo aari ootepexa owerya a olumwenku wotheene okathi ole. Exeeni yaakhalihenrye opaka eyo? Olavulaka sa Moise, Biibiliya onihimya so: “Mwaha wo wamini, Moise ahikhuma wEjitu, ahòvaka onanariwa wa mwené Farawo: tthiri ahilipiha murim’awe, ntoko amona Muluku ohinòneya”. (aHé 11:27) Moise ni Aroni yaahikhalana waamini wuulupale ni yaanimuroromela Yehova.

Okathi xeeni munreerela anyu okhala oolipa murima wira mooniherye waamini wanyu hata muri ene ohoolo wa makhulupale?

Ifootu: Itthu ninreerela ahu okhala oolipa murima. 1. Mmiravo mmosa weemenle ene paahi okathi amiravo akina anintela aya ebantera. 2. Munna mmosa ori ene ohoolo wa makhulupale ootribunali. 3. Mmiravo mmosa onvahaka efolyeeto mwaneene etthoko okathi onilaleerya awe masi owehiwaka ni mapolisia anvira.