Mwiilipiheke Vaavo Onaattamela Aya Wanikisa

OTTHUNEYA WAYA: Okhala wira moohipisa, mixankiho suulupale sinimweehererya olipa wahu murima ni omuroromela wahu Yehova ovikana khalai. Maxakha maalupale anrowa opacerya ni opwetexiwa wa etiini yoowootha. (Mat 24:21; Wis 17:16, 17) Okathi owo onrowa okhala wooxankiha, nave pooti wira ninrowa olaleyaka muhupi woophukela. (Wis 16:21) Nave nnotupheliwa ni Gogi oMagogi. (Eze 38:10-12, 14-16) Wira owaakiherye arumeyi awe, Yehova onrowa okumiherya “ekhotto ya nihiku nulupale na Muluku òwerya sothene”. (Wis 16:14, 16) Wira nikhalane olipa murima onrowa onikhaliherya ovilela itthu sa muhoolo, nihaana okhala oororomeleya vaavo nneehereriwa ahu olelo-va.

MOOTA WOOPAKA EYO:

• Mukhaliheryeke moolipa murima malamulo a Yehova voohimya sa mweettelo wooloka.—Yes 5:20

• Muhihiye omukokhorela Yehova vamosa ni anna.—aHé 10:24, 25

• Mwiiweleleke malakiheryo a mutthenkeso wa Yehova muhanyiheryaka.—aHé 13:17

• Muupuweleleke moota Yehova aakhalihenrye awe arumeyi awe khalai.—2 Pe 2:9

• Munvekeleke Yehova ni mmuroromeleke.—Esa 112:7, 8

NWEHE EVIIDIYU ENI: ITTHU SA MUHOOLO SINROWA OVEKELA OLIPA MURIMA—EVIIDIYU YAAMUKHAANI, NUUMALA-VO MWAAKHULEKE MAKOHO ALA ANITTHARELANA:

• 

  Moota xeeni anamalaleerya a muloko mmosa yeehereriwe aya nuumala muloko aya okawanyiwa khutakaaheriwa ni muloko mukina?

• 

  Olipa murima onivarihana sai ni wiiwelela?

• 

  Xeeni vanrowa aya oreerela okhala oolipa murima okathi wa Armagedoni?

• 

  Yowiiraneya xeeni ya mBiibiliyani enrowa onikhaliherya wuncererya omuroromela wahu Yehova wira onoonopola?—2 Wah 20:1-24