Itthu sa Efaita Saakhala Mutabernaakulu

Okhu 25:9, 21, 22

Nivuku na waataana naahikhalana efaita yuulupale mutabernaakulu. Nave naapwehiwa eriyari ya iheema sa aIsarayeli. Neeku naari eriyari ya maKerubi yaawo yaari vasulu va Nivuku na waataana, naathoonyerya okhala wa Yehova. Nihiku na oleveleliwa itampi, muulupale aanamukuttho aanikela nipuro nowaaryexa okunxe ene ephome ya inyompe ni ya ipuri. Owo aanitathela ephome eyo ohoolo wa etampa wira soottheka sa aIsarayeli sileveleliwe. (Ona 16:14, 15) Eyo yaathoonyerya ele Yesu, Namukuttho Muulupale, aapanke awe nuumala ovolowa wiirimu ohoolo wa Yehova wira ovahererye esisapo ya mukuttho awe. —aHé 9:24-26.

Mulikanyihe soolepa sinittharelana ni mareeliho ninrowa ahu ophwanya mwaha wa mukuttho wa Yesu:

SOOLEPA

• 1 Yoh 1:8, 9

• aHé 9:13, 14

• aRo 6:23

MAREELIHO

• nlipelelo na okhala mahiku otheene

• oleveleliwa wa soottheka

• okhalana murima wooloka

Ninrowa opaka exeeni wira naakhele mareeliho ala?