Niireke Munoowerya Okhaliherya Murumeelaka Okathi Anyu ni Ikuru Sanyu?

Mutthenkeso wa Yehova onnitepa wunnuwa mahiku ala ookiserya, sintoko siisaale profeta Yesaya aahimmye awe vahinatthi wira yaarowa wiiraneyaka. (Yes 54:2) Eyo enitaphulela wira sinnireerela otekiwa Ipa sa Omwene, Ipa sa Asembeleya, ni Ibetheli sikina. Ohiya-vo, ipa iyo sinnireerela olokiheriwa khula okathi nave sikina otekiwa vasya-tho. Nto ninrowa okhaliherya sai mutthenkeso wa Yehova nirumeelaka okathi ahu ni ikuru sahu?

• Nirowaka okhaliherya orattela Empa ya Omwene nihiku ekrupu ahu ethanleliwa aya

• Niivahereryaka wira niixuttihiwe moota wookhaliherya miteko sa olokiherya Empa ya Omwene

• Nipriyenxeriki epetisawu ya Voluntário do Departamento Local de Projeto/Construção (DC-50) wira nikhaliherye miteko sooteka ni olokiherya Ipa sa Omwene waattamela mapuro ninkhala ahu

• Nipriyenxeriki epetisawu ya Serviço de Voluntário (A-19) wira nakhaliheryeke oBetheli wala mapuro makina anivariwa miteko sa oBetheli esumana emosa wala ovikana

NWEHE EVIIDIYU ENI: EPROJETO ESYA YA MUTEKO WOOTEKA ENNIROWA VAHOOLO—EVIIDIYU YAAMUKHAANI, NUUMALA-VO MWAAKHULEKE MAKOHO ALA ANITTHARELANA:

• Okhuma mwaakha wa 2014, moota xeeni opakiwa ni orumeeliwa wa iviidiyu onitepa aya wuncerereya?

• Wira sitepeke opakiwa iviidiyu muteko xeeni onivariwa, ni muteko xeeni oniphavela ovariwa? Nto onrowa opacerya silini nave onrowa omala liini?

• Anna oowiivahererya anrowa okhaliherya sai muteko owo?

• Vakhala wira ninniphavela okhaliherya muteko wooteka oRamapo, xeeni vanreerela aya opriyenxeri epetisawu (DC-50) ni okhaliherya miteko sooteka ni olokiherya Ipa sa Omwene waattamela mapuro ninkhala ahu?

• Etthu xeeni ennikupaliha wira Yehova “tonihoolela” muteko ola?

• Ninrowa okhaliherya sai muteko owo, hata nihiweryaka orowa mmansihu?