MIHAKHU SINIKHUMA MBIIBILIYANI | ONAMUKUTTHO 4-5
Munvaheke Yehova Ikuru Sanyu ni Okathi Anyu
Okhala mutthu oothoiwa khiyaamukhoottiherya mwIsarayeli okhalana waataana wooloka ni Yehova. Hata mwIsarayeli ootepa othoiwa anwerya ovaha mukuttho waarowa omusivela Yehova. Awo yanwerya ovaha ephepa, masi yahaana okhala ephepa yooreera saana, yeeyo yaarumeeliwa wira yaapeliwe aletto. (Map 18:6) Olelo-va, ninninvaha Yehova mukuttho ahu vaavo “nimmuttottopela” ahu. Hata nihiweryaka opaka itthu sotheene naaphavela ahu, akhala wira nnimwiimananiha owo onoosiveliwa ni mukuttho ahu.—aHé 13:15.
Xeeni vari aya voolipiha osuwela wira Yehova onnivaha efaita mukuttho anyu, hata muhiweryaka opaka itthu sotheene ntoko mwaapaka anyu khalai, woonasa wene mwaha wa okumi anyu wala oohikhalana ikuru mwaarina anyu khalai?