Anamuyari, Mwaakhaliheryeke Aniinyu Okhala a Miruku

Ninkhala olumwenku atthu anoona aya itthu sootakhala okhala sooreera ni sooreera okhala sootakhala. (Yes 5:20) Mooriipiha murima, atthu anceene annipaka itthu Yehova oninyokha awe, ohela muhina mweettelo woohiloka ni orupihana atthu a enoka emosa-ru. Apatthani a oxikola wala atthu akina pooti waakhanyereryaka aniihu otthara mweettelo aya. Munrowa waakhaliherya sai aniinyu oxintta mixankiho iyo okathi aneehereriwa aya?

Mwaakhaliheryeke aniinyu osuwela malakiheryo a Yehova. (Ona 18:3) Nwiixuttiheke aniinyu moovarihana ni iyaakha saya ele Biibiliya onihimya awe voohimya sa orupihana. (Otu 6:7) Mwiikoheke so: ‘Kiireke kinniwiixuttiha anaaka osuwela enamuna yookhalela ya osiveliwa ni mutthu mukina, owara ikuwo sookhalela ni atthu akina ottittimiha makhalelo awe? Kiireke anaaka annisuwela etthu yoopaka vakhala wira mutthu mukina onneererya owooniherya epornografia aahiiso waavekela opaka etthu Yehova oninyokha awe?’ Yakhalana miruku vahinatthi sinimwaakhaliherya ohaakhumelela ehasara. (Mir 27:12; Mu 7:12) Owiixuttiha aniinyu, enamuna emosa munooniherya anyu wira munnivaha efaita yoohiyeriwa anyu ya Yehova.—Esa 127:3.

NWEHE EVIIDIYU ENI: ‘MUTEKEKE EMPA YOOLIPA—NWAAKIHERYEKE ANIINYU ‘ITTHU SOOTAKHALA’, NUUMALA-VO MWAAKHULEKE MAKOHO ALA ANITTHARELANA:

• 

  Xeeni anamuyari akina anoovelela aya owiixuttiha anaaya voohimya sa orupihana?

• 

  Xeeni anamuyari anireerela aya owiixuttiha anaaya ‘attharaka malakiheryo a Yehova’?—aEef 6:4

• 

  Malakiheryo xeeni mutthenkeso wa Yehova onikumiherya aya wira anamuyari awiixuttiheke anaaya voohimya sa orupihana?—w19.05 epaax. 12, ekaaxa

• Xeeni vari aya va miruku anamuyari ovaanelaka ni anaaya sihinatthi waakhumelela mixankiho?