MIHAKHU SINIKHUMA MBIIBILIYANI

Mmwiiweleleke Yehova ni Murima Anyu Wotheene

Kalebi aahimurumeela Yehova ni murima awe wotheene (Yox 14:7, 8)

Kalebi aahimuroromela Yehova wira ammukhaliherya waakhwaniherya yoothanleliwa awe yoovila (Yox 14:10-12; w04 1/12 epaax. 12 etti. 2)

Yehova aahimureeliha Kalebi mwaha woomurumeela ni murima awe wotheene (Yox 14:13, 14; w06 1/10 epaax. 18 etti. 11)

Efootu: Murokora oororomeleya uupuwelelaka moota woovilela mixankiho sawe mwaha woowuuluvala. 1. Murokora mmosa-ru onvarenle ene ttootto awe vaavo onikilaathi awe wira ovekele. 2. Olaleeryaka mapuro oowaatta atthu ni murokora mukina. 3. Owooniheryaka album a ifootu amiravo a muloko awe. 4. Otheyaka moohakalala.

Waamini wa Kalebi waahilipa vaavo aatthanre awe malakiheryo a Yehova ni khureelihiwa. Nave hiyo ninnilipa vaavo ninvikaniha ahu omurumeela Yehova niwehaka moota Yehova onaakhula awe mavekelo ahu ni inamuna onneettiha awe. —1 Yo 5:14, 15.