Mixankiho Sootheene Sinoomala

Mixankiho sinikhala ntoko khasinimala pooti onikhulumula. Davidi aanisuwela wira olupatthiwa wawe ni mwene Sawuli wammala nave aamukhala mwene ntoko aaleiheriwe awe ni Yehova. (1 Sa 16:13) Waamini wa Davidi waahimukhaliherya opixa murima ni omulipelela Yehova.

Okathi ninlupatthiwa ahu hiyo pooti orumeela osuwela wahu, ni miruku sahu wira niwerye ovilela mixankiho iyo. (1 Sa 21:12-14; Mir 1:4) Masi mixankiho sikina pooti ohimalaka hata nipanke ene sootheene ninwerya ahu moovarihana ni malakiheryo a mBiibiliyani. Nto okathi owo nihaana opixa murima ni omulipelela Yehova. Moohipisa Yehova onoomaliha ohaawa wootheene ni “onoopuputtha” maithori ahu otheene. (Wiis 21:4) Hata nikhaliheriwaka ni Yehova, aahiiso nikhaliheriwaka mwa inamuna sikina, etthu ninsuwela ahu tiila: Ohaawa wootheene onoomala. Osuwela eyo onninimaaliha vanceene.

NWEHE EVIIDIYU ENI: ATTHU OOWIIRAANA HATA AKHALAKA OLUMWENKU WOOKAWANYEYA. NUUMALA-VO MWAAKHULEKE MAKOHO ALA ANITTHARELANA:

• Mixankiho xeeni makristau makina a wEstados Unidos yaavirinhe aya?

• Yoonihenrye sai opixa murima ni ophenta?

• Yoonihenrye sai wira yaanihela nipuro noopacerya “itthu sootepa oreerela”?—aFi 1:10