MIHAKHU SINIKHUMA MBIIBILIYANI

Mmuthanleke Mwa Miruku Ole Munrowa Anyu Othelana

Salomoni aahihiya okhala mutthu a ankhili okathi aathenle awe athiyana yaakokhorela amuluku eethiru. (1 Ma 11:1, 2; w18.07 epaax. 16 etti. 7)

Vakhaani-vakhaani athiyana ale yaahihonona murima wa Salomoni mpakha omuhiiha omukokhorela Yehova. (1 Ma 11:3-6; w19.01 epaax. 15 itti. 6)

Yehova aahinanariwa vanceene ni Salomoni. (1 Ma 11:9, 10; w18.07 epaax. 17 etti. 9)

Ifootu: Murokora mmosa oohitheliwa opakaka yoosoma awe ya Biibiliya ni omuupuwelaka munna oohithela. 1. Munna okomentariki okathi wa mithukumano. 2. Olaleeryaka mapuro oowaatta atthu. 3. Okhaliheryaka olokiherya Empa ya Omwene.

Biibiliya onnaatumererya makristau othelana “mwa Apwiya paahi”. (1 aKo 7:39) Masi khahiyo wira khula mutthu opatisiwe onookhala mulopwana aahiiso muthiyana ootheliwa ooloka. Niireke mutthu munrowa anyu othelana onimookhaliheryani ohihiya ovara miteko sa Yehova? Niireke munna aahiiso murokora owo ooviriha okathi omukokhorelaka Yehova ni murima wootheene? Muhinatthi omuthela aahiiso otheliwa ni mutthu owo muhaana oviriha okathi wira mmusuwele oratteene.