MAKHALELO A MAKRISTAU
Musuweleke Moota Yehova Onuupuwela Awe
Nimphavela omuhakalaliha Yehova ni itthu sootheene nimpaka ahu. (Mir 27:11) Wira niwerye omuhakalaliha, nihaana opaka soothanla sinivarihana ni yootthuna awe hata ahikhanle malamulo annikhaliherya opaka yoothanla eyo. Wira nipake eyo, exeeni enrowa onikhaliherya?
Mmusomeke Biibiliya khula nihiku. Khula okathi nimmusoma ahu Biibiliya onlikana ni ovaanela ni Yehova. Nnoowerya wiixutta moota Yehova onuupuwela awe niwehaka moota aathokorenrye awe arumeyi awe a khalai ni matakiheryo atthu yaapanke itthu sooloka ni soohiloka. Okathi nimphavela ahu opaka soothanla, munepa woowaarya onoonikhaliherya wuupuwelela malakiheryo niixuntte ahu mbiibiliyani. — Yo 14:26.
Mutokoseke. Okathi munipaka anyu soothanla mwiikoheke so: ‘Yoowiiraneya xeeni ya mbiibiliyani enrowa okikhaliherya osuwela moota Yehova onoonela awe yoothanla aka?’ Munvekeleke Yehova wira ookhaliheryeni ni murumeeleke iliivuru sinnikhaliherya otokosa myaha siniphwanyaneya nttaava nanyu. Nto mwiira siiso, munoophwanya malakiheryo a mbiibiliyani anrowa wookhaliheryani. — Esa 25:4.
NWEHE EVIIDIYU ENI: HIYO NIHAANA ‘OLIPIHERYA OTTHIMAKA’ — NILYEEKE YOOLYA YOOLOKA. NUUMALA-VO MWAAKHULEKE MAKOHO ANITTHARELANA:
Sooweha xeeni samphwannye mwali ooniheriwe nviidiyuni?
Munrowa orumeela sai iliivuru sinnikhaliherya otokosa wira sookhaliheryeni oxintta sooweeha simosaru?
Mareeliho xeeni nimphwanya ahu okathi nintokosa ahu ni osoma myaha sinrowa onikhaliherya opaka soothanla sooloka? — aHe 5:13, 14.