MAKHALELO A MAKRISTAU
Murumeeleke Malakiheryo a Mbiibiliyani Wira Mwaakhaliherye Aniinyu
Anamuyari makristau aniphavela wira anaaya akhaleke oohakalala ni arumeeleke okumi aya mmutekoni mwa Yehova. Nave pooti orumeela malakiheryo a mbiibiliyani wira yaakhaliherye anaaya omurumeela Yehova. — Mir 22:6.
Mukhaleke mutthu ookhweya olavulana wira aniinyu aweryeke ovaanela ni nyuwo. — Yak 1:19.
Nwiixuttiheke aniinyu mwaavahaka ntakiheryo nooloka. — Otu 6:6.
Mmukokhoreleke Muluku okathi wootheene vamosa ni aniinyu. — aEef 6:4.
NWEHE EVIIDIYU ENI: MUTEKEKE EMPA YOOLIPA — NWIIXUTTIHEKE ANIINYU ‘EPHIRO ENIREERELA AYA OTTHARA’. NUUMALA-VO MWAAKHULEKE MAKOHO ANITTHARELANA:
Anamuyari anrowa waareerela sai murima anaaya?
Nave anrowa otthara sai malakiheryo ari Yakobo 1:19?
Exeeni anamuyari akhanle aya oopaka okathi sinikhumelela aya mixankiho?