MIHAKHU SINIKHUMA MBIIBILIYANI

Ohiiwelela Onnikumiherya Mixankiho Suulupale

Aisarayeli yaahaathela athiyana yaakokhorela amuluku eethiru. (Eez 9:1, 2; Owehaweha 06 15/1 epaax. 20 etti. 1)

Awo yaahikhootta wiiwelela malamulo a Yehova. (Eez 9:10-12)

Ohiiwelela waya waahaakumiherya mixankiho sinceene awo ni amusi aya. (Eez 10:10, 11, 44)

Murokora mmosa otheliwe ni mutthu ohikhanle Namoona Yehova, vano aamuyara mwaana, ni onnuupuwelela okathi aaluttuweliwe awe ovara miteko sa Yehova. Vameesa vawe yookhala ekaaxa ya sikaro yoowo iyawe ampaha awe nuumala-vo onarupa vasofani vawe.

Itthu sootheene Yehova onnivekela awe opaka oniirela mureerelo ahu. (Owehaweha 09 1/10 epaax. 10 etti. 6) Akhala wiira nnoomwiiwelela Yehova, owo onoonikhapelela wiira sihiniphwanye mixankiho sinceene ni onoonivaha okumi woohimala ni woohakalaliha muhoolo.

MWIIKOHEKE SO: ‘Omwiiwelela waka Yehova onikikhapelela sai wiira sihikiphwanye mixankiho suulupale?’