Exeeni Mulakenle Anyu Opaka Mwaakha Musya wa Muteko?

Soolukama, soothanla nimpaka ahu seiyo sinihela muhina khula etthu nikhanle ahu oowiimananiha opaka wiira nimurumeele Yehova moomalela ni omuhakalaliha. Soolukama iyo sinoonikhaliherya olipiha waataana wahu ni Yehova ni orumeela saana okathi ahu ni ikuru sahu. (1 Ti 4:15) Xeeni khula okathi ninreerela ahu ovareryaka soolukama sahu? Mwaha woowi makhalelo anniturukeya. Nto yoolukama ahu ya khalai pooti ohiweryaka omaleliha. Aahiiso hiyo pooti omalelihaka masi nnaphavela-tho yoolukama ekina.

Okathi wooreerela ovarerya soolukama, ori ohinatthi opacerya mwaakha musya wa muteko. Munoonela sai othokorerya mwaha owo, okathi woomulompa Muluku vatthokoni? Nave okathi owo, nyuwo pooti ovarerya soolukama sa omwaneene ni soolukama sinihela muhina emusi.

Soolukama xeeni siniphavela anyu ophwanya ipantte iya sinittharelana? Nave exeeni mulakenle anyu opaka wiira nwerye omaleliha?