Watchtower EBIBLIOTEKA ONLAINE
Watchtower
EBIBLIOTEKA ONLAINE
Emakhuwa
  • BIIBILIYA
  • ILIIVURU
  • MITHUKUMANO
  • w20 Maio ipaax. 8-11
  • Mamwene Ahiniiwanana Okathi Wookiserya

Mpantta ola khekhanle eviidiyu.

Muniswaamihe, khivaniweryaneya orumiha eviidiyu ela.

  • Mamwene Ahiniiwanana Okathi Wookiserya
  • Owehaweha Elaleyaka Omwene wa Yehova (Yoosoma)—2020
  • Mwaha Onlikana Nuula
  • Tani Ori Mwene a oNorte Mahiku Ala Ookiserya?
    Owehaweha Elaleyaka Omwene wa Yehova (Yoosoma)—2020
  • Tani Ori Mwene a oNorte Olelo-va?
    Owehaweha Elaleyaka Omwene wa Yehova (Yoosoma)—2020
  • Wiisuupulula: Onihimya Exeeni Enrowa Owiiraneela Awanani a Muluku?
    Owehaweha Elaleyaka Omwene wa Yehova (Yoosoma)—2022
  • Mwiixutteke etthu ni Iprofesia sa Mbiibiliyani
    Owehaweha Elaleyaka Omwene wa Yehova (Yoosoma)—2023
Owehaweha Elaleyaka Omwene wa Yehova (Yoosoma)—2020
w20 Maio ipaax. 8-11

Mamwene Ahiniiwanana Okathi Wookiserya

Iprofesia sikina sinilavuliwa va sahiiraneya okathi omosaru. Iprofesia iyo sotheene sinnooniherya wira ninkhala “mahiku òkiserya”.—Dan. 12:4.

A chart showing prophecies and the identity of the king of the north and king of the south from 1870 through present day.
  • Ekraafiku 1 mpakha 4, sinooniherya iprofesia sinilavula mahiku ookiserya okhuma mwaakha 1870 mpakha 1918. Okhuma mwakha wa 1914 orowa ohoolo sinihimmwa okhala iyaakha sa mahiku ookiserya. Eprofesia 1: Muru wa neethanu nenli wa nxeni nrina makhalelo a khalai ti nri na khalai ekraafiku ela. Okathi wa Ekhotto Yoopacerya ya Olumwenku Wotheene muru wa neethanu nenli wa nxeni waahivulalihiwa. Okhuma mwakha wa 1917 orowa ohoolo, muru wa neethanu nenli waahivola ni nxeni nne naahivola. Eprofesia 2: Mwaakha wa 1870 aahisuweliwa mwene a onorte ni mwene a osul. Mwakha wa 1871 mwene a onorte aahikhumelela, yoowo onithoonyerya Alemanha. Wanipacerya mwene a osul aasuweliwa okhala Grã-Bretanha, masi mwaakha wa 1917 onnirantteliwa ni Olamulelo wa Olumwenku Wotheene Anglo-Americana. Eprofesia 3: Okhuma iyaakha sa 1870, Charles Tasse Russell ni apatthani awe annisuweliwa okhala ‘namuhupi’. Wanipacerya wa iyaakha sa 1880, erevista ‘Zion’s Watch Tower’ ennaatumererya alipa yaasoma erevista ele wira yaahaana olaleya ihapari sooreera. Eprofesia 4: Okhuma 1914 orowa ohoolo, okathi woohepha. Etriku annivalaanyiwa ni nthakathaka. Eprofesia 5: Okhuma mwaakha wa 1917 orowa ohoolo, sinnikhumelela metto sa yuuma ni oloko. Nave: Itthu siiraneyale Olumwenku wotheene okhuma 1914 mpakha 1918, Ekhotto Yoopacerya ya Olumwenku Wotheene. Sowiiraneya saahela muhina atthu a Yehova: Okhuma mwaakha wa 1914 mpakha 1918, Anamasoma a Biibiliya a oGrã-Bretanha ni wAlemanha annitthukweliwa. Mwakha wa 1918, anna a eseedi ya olumwenku wotheene wEstados Unidos annitthukweliwa mukhatteya.
    Eprofesia 1.

    Yoolepa Wis. 11:7; 12:13, 17; 13:1-8, 12

    Eprofesia. “Nxeni” ninnaalamulela atthu a valaponi mwa iyaakha sinceene. Okathi wookiserya, muru aya wa neethanu nenli onnivulalihiwa. Muhoolo mwaya, muru ole onnivola, nto “atthu othene” annitthara nxeni. Satana onnirowa “owana n’anamwane . . . yahanle”

    Wiiraneya. Nuumala Epula ya Mutaaseke, saahikhumela ikuvernu sa apinaatamu saawana ni Yehova. Iyaakha imilyau sinceene muhoolo mwaya, okathi wa Ekhotto Yoopacerya ya Olumwenku Wotheene, Império Britânico khiyaarina ikuru sinceene, masi yaahitthikela okhalana ikuru nuumala Estados Unidos otakaahana ni Império Britânico. Otepexa wene okathi wookiserya, Satana onnaarumeela makhulupale a epoliitika wira aalupatthe atthu a Muluku.

  • Eprofesia 2.

    Yoolepa. Dan. 11:25-45

    Eprofesia. Okathi wookiserya, mwene a onorte ni mwene a osul anniwanela okhulupale.

    Wiiraneya. Alemanha ni Potência Anglo-Americana anniwanela okhulupale. Mwakha wa 1945 União Soviética ni ale animukhaliherya yaahikhala mwene a onorte. Vano mwaakha wa 1991, União Soviética onnimala-mala, nuuvira okathi Rússia ni ale animukhaliherya onnikhala mwene a onorte.

  • Eprofesia 3.

    Soolepa. Yes. 61:1; Mal. 3:1; Luka 4:18

    Eprofesia. Yehova onnimuruma ‘namitthaka’ wira ‘olokiherye ephiro’ ohinatthi opacerya Omwene wa Omesiya. Ekrupu eyo ennaalaleerya “ehapari yorera” atthu oowiiyeviha.

    Wiiraneya. Okhuma mwakha wa 1870 orowa ohoolo, Charles Taze Russell ni apatthani awe annipacerya omusoma Biibiliya wira esuwele ele tthiri oniixuttiha awe. Iyaakha sa 1880, awo annaatumererya atthu wira arumeyi a Muluku ahaana olaleerya. Awo yaahilaleya myaha ntoko “Anniphaveliwa Anamalaleerya 1000” ni “Othanliwa Wira Alaleerye”.

  • Eprofesia 4.

    Yoolepa. Math. 13:24-30, 36-43

    Eprofesia. Nwanani onnaala nthakathaka mmatta mwa etriku. Mwaneene etriku onnihiya nthakathaka ninnuwaka vamosa ni etriku mpakha okathi woohepha. Nto okathi woohepha nthakathaka ninnivalaanyiwa ni etriku.

    Wiiraneya. Okhuma mwaakha wa 1870 onnipacerya wooneya oratteene ovirikana eriyari ya maKristau eekeekhai ni maKristau owootha. Okathi wookiserya, maKristau eekeekhai annithukumanyiwa ni annivalaanyiwa ni maKristau oowootha.

  • Eprofesia 5.

    Yoolepa. Dan. 2:31-33, 41-43

    Eprofesia. Elatarato ya metto sa eyuuma ni oloko.

    Wiiraneya. Oloko onitaphulela atthu anilamuleliwa ni Potência Anglo-Americana. Mwaha wa yeeyo, epotensia ele kheniwerya orumeela ikuru saya sotheene, seiyo sinlikanyihiwa ni eyuuma.

  • Ekraafiku 2 mpakha 4, sinooniherya iprofesia sinilavula mahiku ookiserya okhuma mwaakha wa 1919 mpakha 1945. Mwene a onorte onnisuweliwa okhala Alemanha mpakha mwaakha wa 1945. Mwene a osul onnisuweliwa okhala Olamulelo wa Olumwenku Wotheene Anglo-Americana. Eprofesia 6: Mwakha wa 1919, maKristau oothanliwa annithukumanyiwa muloko olokiheriwe ni oreerihiwe. Okhuma mwaakha wa 1919 orowa ohoolo, muteko woolaleerya onnincererya ni onnivikaniha. Eprofesia 7: Mwakha wa 1920, onnikhumelela mutthenkeso wa Liga das Nações ni onnivikaniha mpakha opacerya Ekhotto ya Nenli ya Olumwenku Wotheene. Nave: Eprofesia 1, nxeni na miru 7 ninnivikaniha. Eprofesia 5, metto sa eyuuma ni oloko sinnivikaniha. Itthu siiraneyale Olumwenku wotheene okhuma 1939 mpakha 1945, Ekhotto ya Nenli ya Olumwenku Wotheene. Sowiiraneya saahela muhina atthu a Yehova: WAlemanha okhuma 1939 mpakha 1945, Anamoona anivikana 11. 000 annitthukweliwa. OGrã-Bretanha okhuma 1939 mpakha 1945, Anamoona anaattamela 1.600 annitthukweliwa. WEstados Unidos okhuma 1940 mpakha 1944, muttitthi onnaatuphela Anamoona ikwaha sinivikana 2.500.
    Eprofesia 6.

    Yoolepa. Math. 13:30; 24:14, 45; 28:19, 20

    Eprofesia. “Etrigu” ennithukumanyiwa “mmuruttuni” nave “murumeyi òroromeleya ni ànkhili” onnivahiwa muritti wa waakhapelela “anamuteko akina”. Nave elapo yotheene onnivariwa muteko woolaleya “ehapar’ila yorera y’Omwene”.

    Wiiraneya. Mwaakha wa 1919 murumeyi oororomeleya ni ankhili onnithanliwa wira aakhapeleleke arumeyi a Muluku. Okhuma okathi ole, Anamasoma a Biibiliya yaahincererya muteko aya woolaleerya. Olelo-va, Anamoona a Yehova annilaleya ihapari sooreera ilapo sinivikana 200 olumwenku wotheene ni annipaka iliivuru sinimutthokiherya Biibiliya mattaava anivikana 1.000.

  • Eprofesia 7.

    Soolepa. Dan. 12:11; Wis. 13:11, 14, 15

    Eprofesia. Nxeni na manyaka manli ninnaaleela atthu anikhala valaponi wira apake “elatarato yottittimiherya nxeni”. Moottharelana ‘ninnivahiwa owerya wo wiselela iphumu s’ekumi elatarato aya’.

    Wiiraneya. Potência Anglo-Americana onnikumiherya mutthenkeso oniihaniwa Liga das Nações. Mutthenkeso ola onnikhaliheriwa ni ilapo sikina. Nuuvira okathi, mwene a onorte onnitakaahana ni Liga das Nações, masi okathi wa 1926 mpakha 1933. Atthu yaakupali wira Liga das Nações yoowo muhoolo mwaya aari Nações Unidas (ONU) aamuruuha murettele yoowo paahi onrowa oruuhiwa ni Omwene wa Muluku.

  • Ekraafiku 3 ni 4, sinooniherya iprofesia sinilavula mahiku ookiserya okhuma mwaakha wa 1945 mpakha 1991. Mwene a onorte onnisuweliwa okhala União Soviética ni ale yaamukhaliherya mpakha 1991, muhoolo mwaya onnikhala Rússia ni ale animukhaliherya. Mwene a osul onnisuweliwa okhala Olamulelo wa Olumwenku Wotheene wa Anglo-Americana. Eprofesia 8: Ibomba sinceene sooniheryaka ohonona wuulupale waakumiheriwe ni Olamulelo wa Olumwenku Wotheene wa Anglo-Americana. Eprofesia 9: Onnikumiheriwa mutthenkeso Nações Unidas mwaakha wa 1945, oranttelaka mutthenkeso wa Liga das Nações. Nave: Eprofesia 1, nxeni na miru 7 ninnivikaniha. Eprofesia 5, metto sa eyuuma ni oloko sinnivikaniha. Eprofesia 6, mwakha 1945 anamalaleerya anivikana 156.000. Mwakha wa 1991, anamalaleerya anivikana 4.278.000. Sowiiraneya saahela muhina atthu a Yehova: União Soviética okhuma mwaakha wa 1945 mpakha iyaakha sa 1950, imilyau sinceene sa Anamoona a Yehova anniroihiwa oSibéria.
    Eprofesia 8.

    Yoolepa. Dan. 8:23, 24

    Eprofesia. Mwene ootakhala ‘onnipwetexa vowopiha ilapo sinjene’.

    Wiiraneya. Potência Anglo-Americana aahipwetexa itthu sinceene. Mwa ntakiheryo, okathi wa Ekhotto ya Nenli ya Olumwenku Wotheene, Estados Unidos aahipwettexa vanceene vaavo aavonyenrye awe awanani a Potência Anglo-Americana ibomba piili sootakhala.

  • Eprofesia 9.

    Soolepa. Dan. 11:31; Wis. 17:3, 7-11, 16

    Eprofesia. “Nxeni noxerya” ninnikhuma nipuro noowiixa ni ninnikhala mwene a neethanu neeraru (8). Vano manyaka muloko a nxeni annimpwetexa “muthiyana namararuwa” nuumala-vo nxeni ninnipwetexiwa. Eliivuru ya Daniyeli ennimuhimya mwene a neethanu neeraru (8) okhala “elatarato ya mwikho mulupale wowuliha muru”.

    Wiiraneya. Liga das Nações aahimalamala okathi wa Ekhotto ya Nenli ya Olumwenku Wotheene. Nuumala ekhotto, onnipakiwa ONU. Ntoko siisaale Liga das Nações, ONU onihimya wira onooruuha murettele, yoowo paahi onrowa oruuhiwa ni Omwene wa Muluku. Vano ONU onrowa opwetexa itiini.

  • Ekraafiku 4 ni 4, Enooniherya iprofesia sinivarihana ni mahiku ookiserya mpakha mahiku ahu ala mpakha Armagedoni. Mwene a onorte onnisuweliwa okhala Rússia ni ale animukhaliherya. Mwene a osul onnisuweliwa okhala Olamulelo wa Olumwenku Wotheene wa Anglo-Americana. Eprofesia 10: Makhulupale a mulaponi annilaleya wira ‘nokhalana murettele’ ni ovareleleya. Nuumala-vo annipacerya maxakha maalupale. Eprofesia 11: Makhulupale a mulaponi annituphela itiini sowootha. Eprofesia 12: Makhulupale a Mulaponi annaatuphela atthu a Muluku. Ale oothanliwa ahanle annithukumanyiwa wiirimu. Eprofesia 13: Armagedoni. Ole okilanthe ekhavalo yootteela onnimaleliha oxintta wawe. Nxeni na manyaka 7 ninnipwetexiwa; elatarato yuulupale enninyakattiwa vari metto sa yuuma ni oloko. Nave: Eprofesia 1, nxeni na miru 7 ninnivikaniha mpakha Armagedoni. Eprofesia 5, metto sa eyuuma ni oloko sinnivikaniha mpakha Armagedoni. Eprofesia 6, olelo-va anamalaleerya anivikana 8.580.000. Sowiiraneya saahela muhina atthu a Yehova: Mwaakha wa 2017, makhulupale a oRússia annaatthukwela Anamoona a Yehova ni annikuxa efiliyaali ahu ya elapo ahu.
    Iprofesia 10 ni 11.

    Soolepa. 1 aTes. 5:3; Wis. 17:16

    Eprofesia. Makhulupale annilaleya wira “nokhalana murettele” ni ovareleya vano “manyaka mulokó” ni “nxeni” anrowa ompwetexa “muthiyana namararuwa”. Moottharelana makhulupale awo annipwetexiwa.

    Wiiraneya. Woonasa wene, makhulupale anrowa ohimyaka wira aaruuha murettele ni ovareleleya olumwenku wotheene. Vano ilapo sotheene sinimukhaliherya ONU sinrowa opwetexa etiini yoowootha. Eyo enrowa opaceriha maxakha maalupale. Enrowa omala, okathi onrowa aya opwetexiwa olumwenku wa Satana okathi wa Armagedoni.

  • Eprofesia 12.

    Soolepa. Ezek. 38:11, 14-17; Math. 24:31

    Eprofesia. Gogi onnituphela elapo ya atthu a Muluku. Moottharelana, malaikha annaathukumanya ‘òthanliwa’.

    Wiiraneya. Mwene a onorte ni anamalamulela akina a mulaponi, annaatuphela atthu a Muluku. Nuuvira okathi vakhaani nuumala opacerya otupheliwa iwo, maKristau ale oothanliwa nlelo ari valaponi anrowa othukumanyiwa wiirimu.

  • Eprofesia 13.

    Soolepa. Ezek. 38:18-23; Dan. 2:34, 35, 44, 45; Wis. 6:2; 16:14, 16; 17:14; 19:20

    Eprofesia. “Mulipa-owèttiha” “ekhavalo yottela” onrowa omaleliha ‘oxintta’ wawe vaavo onrowa awe ompwetexa Gogi ni anakhotto awe. “Nxeni” ninrowa oriheliwa “ephareya ya moro” vamosa ni elatarato yowoopiha.

    Wiiraneya. Yesu, yoowo ori Mwene a Omwene wa Muluku, onrowa owoopola atthu a Muluku. Okhaliheriwaka ni maKristau oothanliwa 144.000 ni malaikha ari wiirimu, onrowa waapwetexa atthu awo otheene. Nto mutthenkeso wotheene wa epoliitika wa Satana onrowa opwetexiwa.

    Watchtower EBIBILIOTEKA ONLAINE (1982-2025)
    Okhuma
    Okela
    • Emakhuwa
    • Ovaha
    • Siniphavela Anyu
    • Copyright © 2025 Watch Tower Bible and Tract Society of Pennsylvania
    • Malamulo Oorumeela
    • Mwaha Woosuka Isiiri
    • Privacy Settings
    • JW.ORG
    • Okela
    Ovaha