Malakiheryo a moota woosoma

Niireke Vannoosivela-ni Osoma Soowiiraneya sa Anna ni Arokora?

Anamathelana anisoma soowiiraneya sa anna ni arokora khula nihiku, ahimmye so: “Soowiiraneya iyo sa anna ni arokora sinninikhaliherya okhala oohakalala ni oolipa-murima! Iyo sinniixuttiha wiira nave hiyo nnoowerya ovilela khula muxankiho onniphwanya”. Murokora mukina orina moonelo mmosaru, ohimmye so: “Soowiiraneya iyo sa anna ni arokora sinnikivara murima, sinnikimaaliha ni sinnikihakalaliha. Okhala wiira anna ni arokora awo, akhalana soolukama sinceene mookumini mwaya. Nave, soowiiraneya iyo sinnikiiriha wuncererya muteko aka woolaleerya ni waatumererya anaaka okela muteko wa Muluku wa okathi wootheene”.

Tthiri soowiiraneya sa anna ni arokora awo, sinninikhaliherya okhalana soolukama sooloka, onilipiha ni onikhaliherya ovilela mixankiho sahu moolipa murima. Munrowa ophwanya woowi soowiiraneya iyo?

• Murowe musaitini mwahu jw.org opuro oni, ophavelasa, mulepe so: “Yoowiiraneya ya Mweekumini”.

• Murowe Watchtower EBIBLIOTEKA ONLAINE opuro oni, ophavelasa nuumala-vo mulepe so: “Yoowiiraneya ya Mweekumini”.