Malakiheryo A Moota Woosoma

Mwiixutte Itthu Isya Voohimya sa Yehova

Okathi nimmusoma ahu Biibiliya, ninnirumeela iliivuru sinceene sinnikhaliherya wiiwexexa etthu ninsoma ahu. Khanimphavela wuncererya osuwela wahu paahi voohimya sa Biibiliya. Masi, nimphavela ophwanya itthu isya voohimya sa mikhalelo sa Yehova, sinrowa onikhaliherya wuncererya omphenta wahu. Wiira nipake eyo nihaana wiikoha so: ‘Mwaha ola kinsoma aka onkiixuttiha exeeni voohimya sa Yehova?’

Mwa ntakiheryo, nyuwo pooti waavya itthu sinooniherya wiira veekeekhai Yehova ookhalana mikhalelo iya: Ophenta ,ankhili, exariya ni owerya. Masi Yehova ookhalana mikhalelo sinceene ovikana iya, sikina ti soovara murima. Nto munrowa ophwanya woowi mikhalelo iya sikina?

Eliivuru Enaakhaliherya Anamoona a Yehova Otokosa Myaha Sikumiheriwe, nyuwo pooti ophwanya elista ya mikhalelo 50 sa Yehova. Mikhalelo iyo siri mpantta oni: “Yehova Muluku” mwattapunya, munoophwanya mwaha mukina oni: “Mikhalelo sa Yehova” nto opuro yoowo munrowa anyu ophwanya elista ya mikhalelo sa Yehova.