Wakhuliwa wa Makoho a Mbiibiliyani / Okumi ni okhwa / Tiivi Eri Yoolakela ya Okumi?

Waakhuliwa wa mBiibiliyani

Atthu anceene anniphavela osuwela etthu yiirinhe opatuxiwa okumi, anniikoha so: “Nirwenleni mulaponi?” wala “Niireke okumi aka wookhalana yoolukama?”. Biibiliya onooniherya wiira yoolakela ya okumi ahu okhalana opatthani woolipa ni Muluku. Nrowe niwehe ikeekhai sikina soopacerya sinooniheriwa mBiibiliyani.

• Muluku Tonipattunxe. Biibiliya onihimya so: ‘Apwiya [Yehova] Muluku: tanipattuxale’ khahiyo nirimwiipattuxa.— Esalimo 100:3; Wiisuupulula 4:11.

• Muluku khopattunxe mahala itthu sootheene, onihela muhina hiyo. —Yesaya 45:18.

• Muluku onipattunxe wiira niphaveleke omusuwela, eyo enihela muhina ophavela osuwela etthu yiiriha hiyo opattuxiwa. (Matheyo 5:3) Oniphavela wiira niweryeke ophwanya yoophavela eyo.— Esalimo 145:16.

• Ninnimusuwela Muluku, nipakaka opatthani nuuwo. Nnaamwi atthu akina yuupuwelaka wiira khivanweryaneya okhala mpatthani a Muluku, Biibiliya onnitumererya so: “Mmwaattameleke Muluku, vano owo onoowaattamelani”.—Yakobo 4:8; 2:23.

• Wiira nikhale mpatthani a Muluku, nihaana weettela itthu onniruma awe. Biibiliya yoolepa ya Musuweli 12:13 onihimya so: “Mmooveke Muluku ni mukhapeleleke sooruma sawe; okhala wiira ela ti etthu atthu ootheene akhanle aya oowiiwelelaka”. — Piipiliya Emakhuwa.

• Muhoolo, nnooweha wiiraneya woomalela wa yoolakela ya Muluku okathi onrowa awe omaliha ohaawa, ni waavaha ekumi yoohimala apatthani awe, animukokhorela.— Esalimo 37:10, 11.