Enoota

d Yowiixuttiha yoowi ephau ni eviinyu erutthu ya Yesu ti ya Lutero. Yowiixuttiha eyo enihimya wira okathi wa Yoolya ya Apwiya, Ephau “enikhala” erutthu ya Kristu.

SOWIIXUTTIHA SA EKEREXA

ELE BIIBILIYA ONIIXUTTIHA AWE

Masanto ahaana okokhoreliwa ntoko atthu annilavulela ohoolo wa Muluku.

“Muluku ori mmosá pahi, n’ule onalavulela atthu wa Muluku, ori-tho mmosá: ti Yesu Kristu, mutthu ene yowo”.—1 Timótheyo 2:5.

Anamwane ahaana obatiziwa.

“Alopwana n’athiyana yahamini, khubatiziwa“.—Miteko 8:12.

Yesu ni Tiithi awe aniirela mpantta amuluku araru.

“Miyo [Yesu] kinorowa . . . w’Atithi: mana Atithi t’alupale okivikana miyo”. (Yohani 14:28) “Yesu . . . khakhanyerenrye ovarexexa makhalelo awe òMuluku”.—aFilipi 2:5, 6.

Okathi wa Missa, ephau ni eviinyu enikaiwa enikhala erutthu ni ephome ya Yesu.

“Yesu ahikuxa ephau, ahimuxukhuru Muluku, ahikawanya ephau iyo, khwavaha awixutti awe, ìraka: ‘Kuxakani, mukhureke: ela [enitaphulela] erutthu aka’. Siso-tho, ahikuxa ekálisi y’evinyu, ahimuxukhuru Muluku, khwavaha awixutti awe ìraka: ‘Nwuryeke othene anyu. Ela [enitaphulela] ephome aka: ephome yo watàna’”.—Matheyo 26:26-28.