NSIPO 57
Naalaleeryeke Atthu Otheene
1. Yehova Tiithi nimutakihe,
Owo toophenta ni axariya.
Tthiri omphavela owoopola;
Atthu otheene, naalaleeryeke.
(EKOORU)
Nihiweheke⁀erutthu;
Niweheke murima,
Masu a Muluku nilaleye.
Muttetthe ti muttetthe,
Niluttuweliweke:
‘Atthu otheene wira yoopowe’.
2. Naaphavele opuro wotheene,
Voohiweha makhalelo aya.
Nimphavela oweha murima.
Nimutakihe Tiithi oophenta.
(EKOORU)
Nihiweheke⁀erutthu;
Niweheke murima,
Masu a Muluku nilaleye.
Muttetthe ti muttetthe,
Niluttuweliweke:
‘Atthu otheene wira yoopowe’.
3. Yehova oniphavela wira:
Atthu otheene emurumeele.
Nihiixutta masu a okumi.
Nilaleyeke wa atthu otheene.
(EKOORU)
Nihiweheke⁀erutthu;
Niweheke murima,
Masu a Muluku nilaleye.
Muttetthe ti muttetthe,
Niluttuweliweke:
‘Atthu otheene wira yoopowe’.
(Munwehe-tho Yoh. 12:32; Mit. 10:34; 1 Tim. 4:10; Tito 2:11.)