Munrowa omusuwela sai Muluku?

“Muhihiyeké osoma elívuru ila ya ikano. Mutthokeleleke ikano seiyo othana n’uhiyu, wira mwetteleke orattene sothene sinrumaya. Mwirá siso, munoreriwa okathi wothene w’ekumi anyu, khamunrowa wojela miteko sanyu, nnákhala mmosa”.

Yoxuwa 1:8

“Okathi Ézira wasomawe elívuru ya ikano, awo yanihimyasa n’lavulelo yatthu, yataphulelaka nulumo ti nulumo, wira atthu othene yiwe orattene molumo asommwe”.

Nehemiya 8:8

‘Òreriwa t’ale ahintthara miruku s’atakhali,.  . .  masi ansiveliwa n’ikano sa Yehova, ansoma ikano iyo othana n’uhiyu mwa nsu nohituperya. . . . Miteko sothene sinvaraya, sinnirera’.

Esalimo 1:1-3

“Filipe ahitthimakela ekaro eyo, khumwiwa mulopwan’owo asomaka elívuru ya profeta Yesaya, khumukoha wira: ‘Khino munníwa-mo sinsomanyu?’ Mulopwan’owo ahimwakhula wira: ‘Kinwerya sai wiwa-mo, ahikhanle mutthu onkitaphulela?’”

Miteko 8:30, 31

“Okhuma vapattuxalyawe Muluku olumwenku, atthu anniwerya osuwela makhalelo ahinòneya a Muluku, hatá owerya wawe n’oMuluku awe wohimala, yonaka n’utthokelela itthu sipattuxalyawe. Tivó atthu khanleveleleya”.

aRoma 1:20

‘Mutthokelele itthu seiya, mukhaleleke nthiti, wira wunnuwa wanyu wòneye vamaithoni va atthu othene’.

1 Timótheyo 4:15, Biblya Exirima

“Nùpuxeryaneke mukina ni mukhw’awe, wira nakuviheryaneke ophenta n’uvara miteko sorera. Nihijompeleké orowa omuthukumanoni”.

aHéberi 10:24, 25

“Akhalá mwa nyuwo ohirina ankhili, anvekele Muluku: onovahiwa, okhala wira Muluku onnavaha atthu othene ni murimène, ahùlumelaka”.

Yakobo 1:5