NIKOHO 7
Exeeni Biibiliya aahimyale awe vahinatthi sa mahiku ala?
“Maloko makina anowana ni maloko makhw’aya, [omwene ni omwene mukina] . . . Itthu iya sothene sinokhala ntoko ohawa wopajerya w’oyara”.
“Anokhumelela atthu anjene òwìpaka profeta, ewotothe atthu anjene. Sotakhala sinomwarela mulaponi: siso-tho, ophentana w’atthu anjene onovukuwa”.
“Mwaiwaka silavuliwaka ikhotto ni mikhitto saya, muhituthuwé: ikhotto iyo sihana okhumelela. Vano, khahiyó t’umalawene olumwenku”.
“Sinokhumelela itetere sulupale; mapuro manjene anorwela iretta n’itala. sinokhumelela-tho osulú itthu sowopiha n’ithonyeryo sulupale”.
“Musuwelexe wira, okathi wokiserya, anophiya mahiku òxanka. Atthu anrowa wisupuwelaka mmansaya pahi, anrowa okhala anamilili, anrowa wittottopaka ni wisona. Awo anonveha Muluku, Anokhala òhiwìwelela anamuyari aya, òhixukhuru, òhittittimiha itthu sowarya, òhiphenta, òhimoriwa ikharari, òwòtherya akhw’aya, òhisumaliha, òwali, òvirikanya sorera sothene, anamalupattha, òwakuva onanariwa, òsareya wisona, òphavela sopuha, òmuhiya Muluku; antthuna woneyaka ntoko atthu òwamini, nto anokhotta ikuru so wamini weiwo. Nave yawo, nyuwo muhettaneké”.