“Mulaleye Eyaakha ya Oreera Murima wa Yehova”

“Eyaakha ya oreera murima wa Yehova” ti ya nthoonyeryo

61:1, 2

• Onihimmwa okathi yoole Yehova onaavaha awe eparakha atthu ooreera murima wira yeemererye woopoliwa onilaleiwa.

• Eseekulu yoopacerya, eyaakha ya oreera murima yaapacenrye mwaakha yoole Yesu aapacenrye awe olaleerya 29 EC, nto waamanle nihiku na “onanariwa” wa Yehova okathi yoole aapwetexiwe awe Yerusalemu mwaakha wa 70 EC.

• Okathi ahu ola, eyaakha ya oreera murima epacenrye okathi Yesu oheliwe awe emwene wiirimu mwaakha wa 1914, nave enrowa omala okathi wa maxakha maalupale.

Yehova onnaareeliha atthu awe aavahaka “miri siniima mihokorokho” sa exariya

61:3, 4

• Miri sootepexa orakama sa olumwenku wotheene, okhala wene sininnuwa poromosa mutakhwani, khula mwiri onnilipiha mukhwaawe.

• Mitathaari saya suulupale sinnitthavelelana, nto khiyalipiha miri iyo wira sihimore okathi wa munamukhaya.

• Miri iyo soorakama sinnikumiherya muuttutthi onikhapelela iye simenle ninaano, ni makukhu animora mmirini mmo anninttelaniha etthaya wira sinnuwe.

Atthu otheene aniirela mpantta muloko wa eKristau wa olumwenku wotheene, annittottela mureerelo nikhaliheryo ni okhapeleliwa ni “miri siniima mihokorokho” sa exariya, eyo piiyo, alipa-oowoottihiwa nlelo ari valaponi.