Ireferensia sa Okumi ni Orummwa Ahu Ekaderno Enirumeeliwa Omuthukumanoni
4-10 ya Novembro
MIHAKHU SINIKHUMA MBIIBILIYANI | 1 YOHANI 1-5
“Muhiphenteké Olumwenku Wala Itthu sa Vathí-va”
w05 1/1 epax. 10 etti. 13
Nitthareke Ntakiheryo na Yesu
13 Atthu akina pooti ohimyaka wira moolumwenkuni sookhala itthu sikina sihikhanle sootthekeya. Aayo, masi hata eyo eri ene ekeekhai, itthu sookuxa murima siri moolumwenkuni pooti omuhiiha mutthu omurumeela Yehova. Khiivo etthu olumwenku ola ennivaha aya enrowa onikhaliherya omwaattamela Muluku. Nto, akhala wira nnoophenta itthu sa moolumwenkuni, hata seiye sihikhanle sootthekeya, hiyo pooti ophwanya maxakha. (1 Timótheyo 6:9, 10) Ohiya-vo, itthu sinceene sa moolumwenkuni ti soohiloka ni pooti onihonona. Akhala wira nnooweha ifilme wala iprograma sa televisau sinooniherya ikhotto, ophenta mihakhu, wala orupihana woohiloka, hiyo pooti opaceryaka wuupuwela wira itthu iyo ti sooloka ni ti sookuxa murima. Nave vakhala wira nnimweetta ni atthu arina paahi yoolukama ya okhumela saana mookumini mwaya aahiiso aniphavela okhala alipa-a-nakoso oovuwa, nave itthu iyo pooti okhalaka opuro woopacerya mookumini mwahu.—Matheyo 6:24; 1 aKorinto 15:33.
Moone Enamuna Xeeni ya Mutthu Muniphavela Anyu Okhala
18 Enamuna ekina ennikhaliherya osyaka ‘sophavela sa’ elapo, ori wuupuwelela masu alempwale ni murummwa Yohani anihimya so: “Vano, makhalelo ala anomala vamosá n’itthu simphavelexaya: nto ole onettela otthuna wa Muluku onokhala mahiku othene”. (1 Yohani 2:17) Olumwenku wa Satana onikhala wira ti wooloka ni khonimala. Masi, muhoolo onoomala. Khiivo etthu olumwenku wa Satana enivaha aya enipisa. Wuupuwela eyo onoonikhaliherya ohihapuxiwa ni miraakho sa Diabo.
Otokosa Itthu sa Efaita Soomunepani
Soolopola sa Yehova ti Soororomeleya
14 Soolempwa sa eGriki sa eKristau, sookhalana soolopola sinceene sinnitumererya ophentana. Yesu aahimmye wira nlamulo nuulupale na nenli tinla: “Mumphenteke mukhw’inyu ntoko sinìphentanyu”. (Math. 22:39) Mwa mukhalelo mmosaru, Yakobo, yoowo aari munna awe Yesu, aahihimya sa ophenta okhala ‘molumo [wala yooruma] yòmwene’. (Yak. 2:8) Nave-tho murummwa Yohani aahilepa so: “Apatthani aka òphentiwa: khahiyó nulumo [yooruma ya] nanano nnolepelakani. Nulumo nla [yooruma] ti na khalai”. (1 Yohani 2:7, 8) Yohani aphavela ohimya exeeni ni masu oowi ‘nulumo na khalai’? Owo aahimya yooruma ya ophenta. Yooruma eyo yaari ya ‘khalai’ okhala wira Yesu aalavunle khalai “okhuma wopajeryani”. Masi yaari ya ‘nanano’ okhala wira naavekela ophenta wowiileva, awiixutti yaatthuneya aya wooniheryaka okathi wa mixankiho. Okhala wira naatthareli a Kristu, nto ti vootthuneya wiiwelela soolopola ni osyaka munepa wa wiixinnuuha onimakela wooneya mulaponi, yoowo oniwerya ohonona yoolakela ahu ya waaphenta akhwiihu!
it-3 epax. 243 etti. 3
Olevelela
Khahiyo vootthekeya waavekelela atthu akina wira eleveleliwe ni Muluku, nave khahiyo vootthekeya ovekelela muloko wotheene. Moise aahaavekelela aIsarayeli ohimyaka soottheka sa nloko notheene ni ovekelaka wira eleveleliwe. Yehova aahiiwa nivekelo nlo ni aahaalevelela atthu otheene. (Mot 14:19, 20) Nave okathi yaavahereriwa aya etemplo, Salomoni aahinvekela Yehova wira aaleveleleke atthu awe okathi yaarowa aya ottheka ni ottharuwa ni murima aya wotheene. (1 Ma 8:30, 33-40, 46-52) Ézira aahavekelela aYuda yaatthinke weepotthani ohimyaka itampi saya ohoolo wa atthu anceene. Nivekelo nawe na murima wotheene ni nooxonttela naahiwiiriha atthu ottharuwa mweettelo aya wootakhala wira ephwanele oleveleliwa ni Yehova. (Éz 9:13–10:4, 10-19, 44) Nave Yakobo aahaatumererya maKristau yaawereiwa mwa omunepani wira ewiitthane axitokweene a mmulokoni wira evekeleliwe, nave akhala wira atthu awo yaapanke etampi ‘Apwiya yamwavoniha, ni walevelela itampi sìralyaya’. (Yak 5:14-16) Masi, “yokhala etampi eniroiha wokhwani”, eyo piiyo, otthekela munepa wootteela, ni opaka itampi moolakelela, mutthu khonileveleliwa. MuKristau khoneemereriwa waavekelela atthu anittheka mwa enamuna eyo.—1 Yoh 5:16; Mat 12:31; aHé 10:26, 27; nwehe moolumo oowi ESPÍRITO; PECADO.
Omusoma Biibiliya
11-17 ya Novembro
MIHAKHU SINIKHUMA MBIIBILIYANI | 2 YOHANI 1–YUDA
“Nihaana Owana Wira Nihikhume Mwekeekhayini”
(Yuda 3)
w04 15/9 ipax. 11-12 itti. 8-9
“Mwilipihe Mukhalaka N’Apwiya N’uwerya wa Ikuru Saya”
8 Hiyo khanintikhina olavilavi wa Satana, okhala wira Soolempwa sinnooniherya saana itthu onirumeela awe. (2 aKorinto 2:11) Diabo aahihonona muhakhu sa naxariya Yobi, aahimwiiriha okhweliwa amusi aaphenta awe, olupatthiwa ni amusi, ohaawa werutthuni, ni ovaanyihiwa mootakhala ni apatthani eethiru. Yobi aahiriipiwa murima mpakha wuupuwela wira aaronyanyaliwa ni Muluku. (Yob 10:1, 2) Olelo-va, nnaamwi Satana woonasa wene ohinikumiheryaka mixankiho mooluluwanya, maKristau manceene sinnaaphwanya mixankiho sintoko sa Yobi, nave Diabo pooti orumeelaka mixankiho iyo wira aakhwaniherye itthu oniphavela awe.
9 Okathi ola wookiserya, sinootepa wuncerereya itthu sikhanle ooniiriha otteettheya mwa omunepani. Ninkhala olumwenku atthu anceene anivaha aya efaita itthu sa werutthuni ohiya sa omunepani. Ikaruma sinilaleya ihapari sinnooniherya khula okathi iprograma sinitumererya orupihana woohiloka sintoko etthu eniphwanyiha ohakalala, ohiya owereya. Nave atthu anceene anniphenta ‘sopuha, òmuhiya Muluku’. (2 Timótheyo 3:1-5) Muupuwelo owo pooti ohonona mukhalelo ahu wa omunepani, masi wira nisyake nihaana ‘owanela wamini wahu’.—Yuda 3.
Otokosa Itthu sa Efaita Soomunepani
(Yuda 4)
(Yuda 12)
it-1 epax. 62 etti. 1
Ifesta sa Ophentana (Ágapes)
Biibiliya khonilavula sa ifesta iyo soophentana wala Ágapes, nnakhala khonihimya okathi saapakiwa aya. (Yuda 12) Ifesta iyo soophentana, Yesu khaatonko waaruma atthu opaka, nnakhala ni awiixutti awe khiyaatonko orumiha, nave khivanitthuneya othokorerya ntoko etthu atthu anikhanyereriwa aya opaka wala yooruma ya mahiku ootheene. Atthu akina anihimya wira waari okathi maKristau oothaaciri yaapaka aya ifesta yaalattulaka maKristau oohaawa. Okathi owo anamwane ikwaasuni, anaamukhweli, athaaciri ni amasikhini yaanilya vameesa hoothe moowiirana.
it-3 epax. 456 etti. 6
Mwala
Nuulumo nikina na nttaava na eGriki, spi·lás, woonasa wene onihimmwa mwala wala maluku aniipitha mmaasini. Yuda aahirumeela nuulumo nlo ophavelaka waahimya alopwana yaikelin’he mmulokoni mwa eKristau ni soophavela soohiloka. Sintoko maluku oowiipitha wala mwala oniwerya aya omuhonona pakiti, nave mweettelo woonanara wa alopwana awo, wanwerya waahapuxa makristau makina a mmulokoni. Yuda aahimyaka alopwana awo aalempe so: “Atthu awo maluku anikhumelela muniirani mwanyu noophentana”.—Yuda 12, Waataana wa Naanaano.
“Owo Ahimusiveliha Muluku”
Eprofesia xeeni Enookhi aahimmye awe? Biibiliya onihimya so: “Mwiweke: Apwiya animorwa [àhorwa, Biblya Exirima] vamosá ni malaikh’aya ahinalikeleya. Apwiya animorwa [àhorwa, BE] waphuka atthu othene ni walamula atthu othene òtakhala murima, mwaha wa sotakhala saya sothene, seiyo sìralyaya emukhottaka Muluku, ni mwaha wa molumo othene òruwana, yamutthekelannyaya Muluku, envehaka yowo”. (Yuda 14, 15) Niwehe wira eprofesia ela, aBiibiliya akina moota amurumenle aya verbo vanikhala ntoko wira ehiiraneya, vakhalaka ntoko Muluku ahaakhwaniherya itthu Enookhi aalaleya awe. Nave maprofeta manceene yaakhumelenle nuumala Enookhi, yaahihimya iprofesia emurumeelaka verbo mwa enamuna enooniherya wira etthu eyo ehiiraneya. Eyo emphavela wooniherya wira eprofesia eyo yaari yekeekhai, ti nthowa naya profeta aalavunle awe itthu sa muhoolo sikhalaka ntoko wira sahiiraneya!—Yesaya 46:10.
wp17.1 epax. 12 etti 3
“Owo Ahimusiveliha Muluku”
Waamini wa Enookhi onniniiriha wiikoha akhala wira ninnoona olumwenku ola sintoko Muluku onoonela awe. Muhupi woophukela Enookhi aalalenrye awe, wookhalana owerya omosaru mahiku ala. Yehova ahaakhwaniherya eprofesia ya Enookhi vaavo aamuruuhale awe Mutaaseke wira aapwetexe atthu ootakhala. Mutaaseke ole, onithoonyerya opwetexiwa wuulupale onrowa wiiraneya muhoolo. (Matheyo 24:38, 39; 2 Pedru 2:4-6) Yehova ni malaikha awe oohaalikeleya, ari oolikana ene wira arwe epwetexe olumwenku ola wootakhala. Tivo vannireerela ovaha ephoole soolopola sa Enookhi ni waalela atthu akina wira moohipisa Muluku onoopwetexa olumwenku ola. Waanyiheryasa amusi ahu ni apatthani ahu pooti oninyanyalaka. Nave okathi mukina hiyo pooti wuupuwelaka wira niri mekhihu. Masi Yehova khaatonko omunyanyala Enookhi, nto Yena khonirowa waanyanyala arumeyi awe oororomeleya!
Omusoma Biibiliya
18-24 ya Novembro
MIHAKHU SINIKHUMA MBIIBILIYANI | WISUPULULA 1-3
“Kosuwela Mwettelo Anyu”
w12 15/10 epax. 20 etti. 8
Muthinto Xeeni wa Munepa Munooniherya Anyu?
8 Wira nisyake munepa owo woohiloka, ti vamiruku wuupuwela wira Biibiliya onnihimya wira Yesu ni ‘ntata nawe nolopwana onnivarelela itheneri thanu na pili’. “Itheneri” sinthoonyerya, axitokweene oowoottihiwa, waahela muhina axitokweene otheene. Yesu onneettiherya “itheneri” iyo mwa enamuna onoona awe oreerela. (Wis. 1:16, 20) Okhala wira Yesu Muru wa muloko wa eKristau, onniwehaweha makhuuru otheene a axitokweene. Akhala wira ookhala munna a nikhuuru na axitokweene onitthuneya ottaruxiwa, Yesu yoowo orina ‘maitho anlikana ni malumi a moro’, onnipaka eyo okathi Yena onoona awe okhala wooreerela ni mwa enamuna Awe. (Wis. 1:14) Nihaana waattittimihaka ale athanliwe ni munepa wootteela. Paulo aalempe so: ‘Nwìweleleke ale anettiha muthukumano, [muloko] mutthareke molumo aya, okhala wira annokhapelelani mutthu ti mutthu, yawo anrowa okohiwa mwaha wa nyuwo. Mwawìwelelaka vale, awo anovara muteko n’utteliwa murima, khahiyó n’ujikula: etthu ene yela khiyòphwanyihani etthu’.—aHéb. 13:17.
w12 15/4 epax. 29 etti. 11
Yehova Onninikhapelela Wira Noopowe
11 Yowoonihiwa eri Wisupulula ikapiitulu 2 ni 3, mwene oovuwihiwa Yesu Kristu, aahiwehaweha miloko 7 sa wAsia Menore. Yowoonihiwa ele ennooniherya wira Kristu khoniweha paahi soophavela sa muloko wotheene, masi onniweha itthu sooluluwanya. Ikwaha sikina onniromola masina a atthu ni khula mwaha, onnaattottopela aahiiso waavaha miruku sookhalela. Eyo enooniherya exeeni? Enooniherya wira, miloko 7, anithoonyerya maKristau oowoottihiwa ni munepa wootteela, okhuma mwaakha wa 1914. Nave miruku saaroiheliwe miloko 7 sinnivareleya muteko wa miloko sotheene sa eKristau sa olelo-va. Vekeekhai, ti vookhalela ohimya wira Yehova, omurumeelaka Mwanawe, onneettiha mooluttuweliwa muloko awe. Ninrowa ottottela sai mureerelo miruku iyo?
w01 15/1 ipax. 20-21 etti. 20
Mweetteke Vamosa ni Mutthenkeso wa Yehova
20 Ohihiya weetta ni mutthenkeso wa Yehova, onivekela mutthu weemererya okhulupale wa Yesu Kristu sintoko Ole othanliwe ni Muluku, wira okhale ‘muru wa muloko’. (aÉfeso 5:22, 23) Nave-tho Yesaya 55:4, onihimya so: “Miyo [Yehova] komukhaliha mwanene eriyari y’amálapo: komukhaliha mukhulupale ni mwené a ilapo”. Tthiri Yesu onnisuwela ele enitaphulela aya okhala mukhulupale. Nave onnisuwela ipwittipwitthi sawe ni miteko saya. Tivo, okathi aaxukunrye awe aahiiso owehaweha miloko 7 sa wAsia Menore, aahiromola ikwaha 5 moolumo oowi: “Kosuwela mwettelo anyu”. (Wisupulula 2:2, 19; 3:1, 8, 15) Nave Yesu onnisuwela itthu sinnithowa, sintoko Tiithi awe, Yehova. Ohinatthi wiixuttiha Nivekelo na Ntakiheryo, Yesu aahimmye so: “Atith’inyu annisuwela simphavelanyu, nyuwo muhinatthi wavekela”.—Matheyo 6:8-13.
Otokosa Itthu sa Efaita Soomunepani
Omwene wa Muluku Onimwaamaliha Awanani Awe
10 Masu a Ophukela. Awanani otheene a Omwene wa Muluku anrowa woona siiraneyaka itthu sinirowa wuncererya ohaawa waya. Yesu aahimmye so: “Atthu anomona Mwana a Mutthu arwaka mmekuni n’uwerya wawe n’uvuwa wawe wulupale”. (Marko 13:26) Yowiiraneya ya enimooniherya wira Yesu onirweela ophukela elapo. Mpantta mukina wa eprofesia voohimya ya mahiku ookiserya, Yesu onnitthokiherya oratteene masu a ophukela yaawo anrowa ohimmwa okathi owo. Hiyo ninniphwanya soohimmwa iyo mwa nlikanyiho na ipwittipwitthi ni ipuri. (Mmusome Matheyo 25:31-33, 46.) Atthu anikhaliherya Omwene wa Muluku moororomeleya anirowa ohimmwa okhala “ipwittipwitthi” seiyo sinrowa ‘ovenxa muru’ okhala wira ‘wopoliwa waya ori vakhiviru’. (Luka 21:28) Masi, awanani a Omwene anrowa ohimmwa okhala “ipuri” yaawo anrowa ‘wìkhupanyeryaka’ mwaha woosuwela wira anrowa ‘opwetexiwa woohimala’.—Math. 24:30; Wis. 1:7.
w09 15/1 epax. 31 etti. 1
Iponto Suulupale sa Eliivuru ya Wisupulula—I
Wis 2:7—‘Ematta wala [eparayiisu] ya Muluku’ exeeni? Okhala wira masu ala yaaroiheliwa maKristau oothanliwa anrowa wiirimu, eparayiisu eniromoliwa-va, enithoonyerya olamulelo wa wiirimu, aahiiso olamuleliwa ni mwaneene Muluku. MaKristau oowoottihiwa ororomeleya anoovahiwa eparakha ya olya mihokorokho sa “mwiri w’ekumi”. Nave anoovahiwa ekumi ehinikhwa.—1 aKor. 15:53.
Omusoma Biibiliya
25 a Novembro–1 a Dezembro
MIHAKHU SINIKHUMA MBIIBILIYANI | WISUPULULA 4-6
“Alipa-Ooweettiha Ikhavalo Axexe”
Anakhavalo Axexe—Anithoonyerya-ni?
Tani oneettiha ekhavalo yootteela? Eliivuru ya Wisupulula ennaakhula makoho ala. Ekapitulu 19, mulipa-oneettiha ekhavalo eyo nsina nawe ti “Nsu na Muluku”. (Wisupulula 19:11-13) Mwiihaneliwo woowi Nsu, onihimmwa Yesu Kristu, okhala wira owo tori namitthaka a Muluku. (Yohani 1:1, 14) Nave yena onnihimmwa okhala “Mwené a mamwene ni Pwiya a mapwiya” sintoko mutthu “òroromeleya ni èkekhai”. (Wisupulula 19:16) Eyo enooniherya wira Yesu ookhalana owerya wookhala mwene nakhotto. Nave mwaha wookhala mutthu oororomeleya, yena khonirumeela okhulupale awe mwa enamuna yootakhala. Hata vari siiso annikhumelela makoho makina.
Anakhavalo Axexe—Anithoonyerya-ni?
Anakhavalo apacenrye silini weettiha ikhavalo saya? Nwehe wira mulipa-ooweettiha ekhavalo yoopacerya, Yesu, opacenrye weettiha ekhavalo awe vaavo aavahiwe awe ekhara. (Wisupulula 6:2) Yesu aavahiwe silini ekhara ntoko Mwene a wiirimu? Eyo khahiyo yaakhumelenle omalakaru otthikela wiirimu nuumala okhwa. Biibiliya onooniherya wira nuumala ophiya wiirimu, Yesu ahaana olipelela. (aHéberi 10:12, 13) Yesu aahaavaha atthareli awe nthoonyeryo naarowa waakhaliherya osuwela okathi Omwene awe warowa aya opacerya olamulela. Nave aahaaleela wira makhalelo a mulaponi yaarowa otepaka otakhala. Saamukhumelela ikhotto, iretta, ni etala. (Matheyo 24:3, 7; Luka 21:10, 11) Sowiiraneya sinooniherya wira okathi owo wooxanka opacenrye mwaakha wa 1914, nuumala opacerya Ekhotto Yoopacerya ya Olumwenku Wotheene. Biibiliya onnihimya okathi owo okhala “okathi wokiserya”.—2 Timótheyo 3:1-5.
Anakhavalo Axexe—Anithoonyerya-ni?
Nakhavalo yooxeerya onithoonyerya ikhotto. Niwehe wira owo khonikumiha murettele ilapo vakhaani paahi, masi olumwenku wotheene. Mwaakha wa 1914, yaahikhumelela ekhotto yahaatonko wiiraneya mulaponi motheene. Nuuvira okathi vakhaani yaahikhumelela tho ekhotto yanenli ya olumwenku wotheene. Atthu akina annikupali wira okhuma mwaakha wa 1914, nummuru na atthu akhwiiye mwaha wa ikhotto ni owana-wana annivikana imilyau 100! Nave nummuru nlo, khaheliwe muhina atthu imilyau sinceene avulanle mwaha wa ikhotto iyo.
Anakhavalo Axexe—Anithoonyerya-ni?
“Kahòna ekhavalo yoripa. Mulipa-òwettiha ekhavalo eyo akunxe ebalansa mmatatani. Vano, kahìwa oruma ntoko nsu, nikhumaka eriyari y’akumi awo axexé, nihimyaka wira: Mphimo mmosá wa etrigu onthummwa n’idenario emosá, miphimo miraru sa mele [esevada, BE] sinthummwa n’idenario emosá: nto muhihononé evinyu ni makhura”.—Wisupulula 6:5, 6.
Nakhavalo yooriipa, onithoonyerya etala. Makhalelo a mulaponi yaarowa otepa oxankiha ti nthowa naya Biibiliya aahimmye awe wira eliituru emosa ya etriku, yaarowa othummwaka edenaario emosa. Eseekulu yoopacerya, edenaario emosa, yaari esisapo aaliviwa awe namuteko nuumala ovara muteko wa nihiku ntero! (Matheyo 20:2) Nave ni edenaario emosa, mutthu waaniwerya othuma iliituru tthaaru sa esevada. Esevada yaari epyo yootepexa oyeva ovikana etriku. Hata vari siiso eyoolya eyo khiyaphiyerya olyiwa ni emusi yuulupale. Nsu nlo nave naahihimya wira atthu yaahaana orumeela ni ephoole makhura ni eviinyu okhala wira saari itthu sootthuneya saalyiwa mahiku otheene ni atthu a okathi ole.
Anakhavalo Axexe—Anithoonyerya-ni?
Nakhavalo a neexexe a ekoore ehinooneya saana, onithoonyerya okhwa onikumiheriwa ni iretta ni itthu sikina. Nuuvira mwaakha wa 1914, eretta yaitthaniwa gripe espanhola, yaahiwiiva atthu imilyau sinceene. Waanyiheryasa atthu oowiiraka imilyau 500 yaahirava eretta eyo. Eyo yaataphulela wira mulaponi motheene, khula atthu 3, mutthu mmosa aanikhalana oretta owo!
Gripe espanhola yaari paahi ntoko epacerelo. Asomi anihimya wira okhuma eseekulu 20 atthu oowiiraka imilyau 300 ahookhwa mwaha wa oretta onikumiherya ithuku suulupalexa erutthu yotheene oniitthaniwa varíola. Olelo-va, nnaamwi sikhanleene mirette siniwerya oloola iretta sinceene, iretta sintoko: SIDA, elapaha ni malaaria, sinniwiiva atthu anceene.
Moohicala akhala wira atthu anikhwa mwaha wa ikhotto, etala, wala iretta, ekeekhai ti yoowi: okhwa onnaaphwanya apinaatamu otheene. Mahiye moohoona othunku anniwaakhela atthu anikhwa.
Otokosa Itthu sa Efaita Soomunepani
re ipax. 76-77 etti. 8
Waarya wa Ehice ya Yehova
8 Yohani aanisuwela wira khalai yaahithanliwa anamukuttho wira erumeeleke mutabernaakulu. Masi, itthu aawenhe awe moottharelana saahimutikiniha vanceene: “Mukherekhere mw’ehije mwahikhala ihije sikina miloko mili ni xexé, sakilatheliwe ni mahumu miloko mili n’axexé, ewanrene ikuwo sottela n’ikhara sa ewero mmuruni”. (Wisupulula 4:4) Ohiya waaweha anamukuttho, owo aawoonale axitokweene 24, akilanthe ene veehiceni ni awanre ene ikhara ntoko mamwene. Axitokweene awo, tani? Anihimmwa maKristau a mmulokoni mwa eKristau oothanliwa ni munepa wootteela, nuumala ohihimuxiwa ni ovahiwa opuro aya wiirimu ntoko Yehova aaleihenrye awe. Ninsuwela sai eyo?
re epax. 80 etti. 19
Waarya wa Ehice ya Yehova
19 Anithoonyerya-ni akumi axexe? Yowoonihiwa enihimmwa ni profeta mukina Ezekiyeli, enoonikhaliherya osuwela waakhuliwa waya. Ezekiyeli aahinweha Yehova okilaathale ene ekaaro ya wiirimu, ohooliwaka ni akumi yaarina mikhalelo saalikana ni iye oonihiwe awe Yohani. (Ezekiyeli 1:5-11, 22-28) Nuumala-vo, Ezekiyeli aahiweha-tho ehice taarina maroota sintoko ekaaro ya wiirimu etthariwaka ni akumi awo. Nto ekwaha ela, owo onnaahimya okhala makerubi. (Ezekiyeli 10:9-15) Akumi axexe Yohani aawenhe awe, anithoonyerya makerubi manceene a Muluku, soopattuxiwa soomunepani sa vameekha aya sa mmutthenkesoni mwa Yehova. Yohani khaarowa otikinihiwa mwaha woowaaweha makerubi yeemenleene waattamela opuro aari awe Yehova, okhala wira mutabernaakulu mwa khalai yaahikhala makerubi manli a eweero yaari vasulu wa nivuku na waataana, nenlo naathoonyerya ehice ya Yehova. Eriyari ya makerubi awo, Yehova anaaleela ikano sawe atthu a wIsarayeli.—Okhuma 25:22; Esalimo 80:2.
“Mmone! Kharamu a Nloko na Yuda”
5 Kharamu onnirumeeliwa ntoko nthoonyeryo na olipa murima. Niireke wira mootoko okumana vakhiviru vene ni kharamu oolopwana? Akhala wira mootoko, woonasa wene kharamu owo aari mukintaali opuro onihuuwa inama. Hata vari siiso, onweha kharamu vakhiviru, etthu yowoopiha. Vaavo vaniweha anyu owiitho wa mwaamunama owo muulupale ni a ikuru, nave-tho owo onoowehexexani mmaithoni mwanyu. Waaniheryasa khamunuupuwela wira kharamu owo onoowehani mwaha wa woova. Biibiliya onnimuhimya “kharamu, òtupexa mwa inama sothene, ohinòva etthu, ohinimòva mutthu”. (Miruku 30:30) Olipa murima wa Kristu onlikana ni olipa murima wa kharamu.
6 Nrowe nithokorerye inamuna tthaaru sa moota Yesu oonihenrye awe olipa murima ntoko kharamu: waakiherya ekeekhai, ovarexexa exariya ni ovilela okathi woolupatthiwa. Nave-tho, nnooweha wira otheene ahu hata niri ene atthu oowoova wala nnaari, nnoowerya omutakiha Yesu nooniheryaka olipa murima.
Omusoma Biibiliya