Orumeela Moolumo Oolipiha

Yobi 16:5

MALAKIHERYO: Muttittimiheryeke itthu sooloka sinrowa okhumelela, ohiya omakela olavula mixankiho, nave muttittimiheryeke itthu sinrowa waalipiha alipa-oowiriyana.

MOOTA WOOPAKA:

• Mwaakhaliherye alipa-oowiriyana okhalana moonelo wooloka. Muroromeleke wira anninyu anniphavela omuhakalaliha Yehova. Hata vatthuneyaka ovaha miruku, mpaceryeke toko waattottopela.

• Muhaattiheke myaha sooriipiha murima. Pooti oromola myaha sooriipiha murima wira mwiiwanyeihe eponto emosa, masi muhaattiheke. Mwaha anyu wotheene mphaveleke ohimya itthu soolipiha.

• Murumeeleke saana Nuulumo na Muluku. Muthokoreryeke itthu Yehova opanke awe, onipaka awe ni onrowa awe owiirela apinaatamu. Mwaakhaliherye alipa-oowiriyana okhalana nlipelelo ni olipa murima.