Nivaheke Efaita Eliivuru ya Muluku

1. Yookhal’eliiv’ru yootepa oreera,

Envaha murettele n’ikumi.

Enniwerya okhaliherya vanci;

Nimphavela ororomelaka.

Mwaneene Biibiliya ti Yehova,

Iyo miyuupuwelo sawawe.

Alopwana oowaamini talempe,

Yaaheettihiwa n‘ikuru sawe.

2. Yaahilepa s‘erimu ni elapo,

N’ukhumelela wa itthu sotheene.

Opattuxiwa w’Adamu ni Eva

N’upweteya wa Eparayiisu.

Awo yaahilavula sa Diabo

Munyokhani a Tiithi Yehova.

Yoowo ooruuha etampi ni okhwa,

Masi Yehova onoomaliha.

3. Ninkhal’okathi woohakalaliha:

Yesu Mwene onnilamulela.

Nilaleye ihapari sooreera

S’Omwene wa Yehova Muluku.

Niiwelele Soolempwa sa Muluku;

Iyo sinnilipiha murima.

Nisomeke nihiku ti nihiku;

Wira nikhale oohakalala.