NSIPO 139
Muupuweleke Muryeene oParayiisu
1. Muupuwele: nyuwo ni mi;
Niryeene elapo ya xariya.
Nikhalaka mootaphuwa,
Atakhali aamala-mala!
Onookhala murettele,
Omwene khonrowa omala.
Enoopacerya elapo yooloka,
Nimwiipele Yehova moohakalala.
(EKOORU)
“Nimuxukhuru Pwiya Yehova.
Tthiri nihoona ophenta wawe.
Ni murima wotheene nimwiipeleke.
Owo onniphwanela ovuwihiwa”.
2. Muupuwele: nyuwo ni mi
Nikhalaka elapo yooloka.
Khiivo etthu yowoopiha;
Maxakha anrowa omala.
Muluku⁀ahu ooleiherya
Okumi woohimala tthiri.
Alipa-ookhwa anrowa ovenya,
Hoothe ninrowa otthapaka vanceene.
(EKOORU)
“Nimuxukhuru Pwiya Yehova.
Tthiri nihoona ophenta wawe.
Ni murima wotheene nimwiipeleke.
Owo onniphwanela ovuwihiwa”.
(Nwehe-tho Esal. 37:10, 11; Yes. 65:17; Yoh. 5:28; 2 Ped. 3:13.)