Moota Muluku Onoonela Awe Ephome

Ephome yookhalana efaita yinceene. Khuuvo mutthu aarowa okhala mukumi ohirina ephome. Okhala wira Mpattuxa, Muluku ookhalana ehakhi yoohimya moota ephome ekhanle aya oorumeeliwa. Etthu xeeni Muluku onihimya awe sa ephome? Niireke pooti olya aahiiso oheleliwa ephome? Ninrowa opaka sai soothanla sooloka voohimya sa ephome?

1. Yehova onoonela sai ephome?

Khalai, Yehova aahaaleela arumeyi awe wira: “Ekumi y’enama t’iphome aya”. (Onamukuttho 17:14) Yoolepa ela, ennooniherya wira ephome entaphulela ekumi ya enama aahiiso mutthu. Ekumi ti yowaarya nave ephome ti yowaarya, niire so, yoovaha enikhuma wa Muluku.

2. Enamuna xeeni ya orumeela ephome Muluku onikhoottiha awe?

Ohinatthi opakiwa muloko wa ekristau, Yehova aahaaleela arumeyi awe wira ahilyeeke ephome. (Musome Maphattuwelo 9:4 ni Onamukuttho 17:10.) Nuumala opakiwa muloko wa ekristau, Yehova aahitthikela oromola nlamulo nle. Nikhuuru noolamulela nahaaleela makristau wira: “Mukhootteke [olya] . . . ephome”.—Musome Miteko 15:28, 29.

Onitaphulela exeeni okhootta olya ephome? Vaakhanle wira meetiku ohooleelani wira muhiwuryeke eviinyu, nyuwo khimwaarowa owurya, kiira ti siiso? Masi niireke nyuwo mwaamoolya itthu siheliwe eviinyu wala oheleliwa eviinyu? Nnaari. Mwa enamuna emosaru, nlamulo na Muluku na okhootta olya ephome nintaphulela ohiwurya ephome nnakhala okhuura enama yoohihitiwa. Nave nihilyeeke yoolya eheliwe ephome.

Ankhi olooliwa erumeeliwaka ephome? Inamuna sikina sa olooliwa sinnihonona malamulo a Muluku. Eyo enihela muhina oheleliwa ephome yoomalela ni mipantta suulupale sa ephome ntoko: Ikoloobulu sooxeerya, ikoloobulu sootteela, iplaqueta ni eplasma. Inamuna sikina sa olooliwa pooti oxankiha osuwela akhala wira sinnihonona malamulo a Muluku. Mwa ntakiheryo, inamuna sikina sa olooliwa sinirumeeliwa ifrasau sa mipantta suulupale sa ephome, inamuna sikina sa olooliwa enirumeeliwa ephome ya mutthu ene yoowo. Okathi onivarerya awe inamuna iyo, khula mutthu ohaana opaka yoothanla awe.a—Nwehe enoota; aGalasia 6:5.

MWIIXUTTE ITTHU SIKINA

3. Muthanleke inamuna sa olooliwa sinimuhakalaliha Yehova

Munrowa othanla sai inamuna sa olooliwa sinivarihana ni moonelo wa Muluku voohimya sa ephome? Nwehe EVIIDIYU, nuumala-vo nwehe efaita orina aya otthara malakiheryo anittharelana.

EVIIDIYU: Moota Woopaka Soothanla Sooloka sa Olooliwa Onivarihana ni Ephome (5:47)

• Munvekeleke Muluku ankhili.—Yakobo 1:5.

• Mutokoseke mBiibiliyani malakiheryo voohimya sa ephome ni mweetteleke malakiheryo awo.—Miruku 13:16.

• Nwehe inamuna sa olooliwa sikhanle elapo aahiiso muttetthe munikhala anyu.

• Nweheke inamuna sa olooliwa muneemererya anyu ni muhineemererya anyu.

• Nweheke akhala wira yoothanla anyu enimookhaliheryani okhalana murima wooloka.—Miteko 24:16;b

• Musuweleke wira khuuvo mutthu okhanle owoopakelani yoothanla enivarihana ni murima anyu, okhale ole muthelanne anyu, axitokweene nnakhala ole onoosomihani Biibiliya.—aRoma 14:12.

• Mulepeke soothanla sanyu.

4. Anamoona a Yehova anniphavela enamuna yoolokexa ya olooliwa

Vanniweryaneya weettela malamulo a Muluku voohimya sa ephome ni olooliwa mwa enamuna yoolokexa ehirumeeliwe ephome. Nwehe EVIIDIYU.

EVIIDIYU: Entrevista ya Dotore Massimo Piergiuseseppe Franchi (1:36)

Tito 3:2, nuumala-vo mwaakhule nikoho ninttharelana:

• Xeeni vari aya vooloka waattittimiha ni omaaleleya okathi ninlavula ahu ni mameetiku?

Makristau khaneemererya	Yoothanla ya khula mukristau
A. Eplasma	Ifrasau sa eplasma
B. Ikoloobulu sootteela	Ifrasau sa ikoloobulu sootteela
C. Iplaqueta	Ifrasau sa iplaqueta
D. Ikoloobulu sooxeerya	Ifrasau sa ikoloobulu sooxeerya

5. Ifrasau sa ephome: Mpakeke yoothanla anyu

Ephome yookhalana mipantta mixexe suulupale: Ikoloobulu sooxeerya, ikoloobulu sootteela, iplaqueta ni eplasma. Mipantta iyo mixexe pooti okawanyiwa khukhala mipantta saamukhaani siniihaniwa ifrasau sa ephome.c (Nwehe enoota.) Ifrasau sikina sa ephome, sinnirumeeliwa wira sipakiwe mirette sinikhaliherya oloola iretta aahiiso sinikhaliherya omaala oyiiheya ephome.

Nilavulaka sa ifrasau sa ephome, khula mukristau ohaana opaka yoothanla awe enivarihana ni murima awe wiixuttihiwe ni Biibiliya. Makristau makina pooti okhootta inamuna sa olooliwa sinihela muhina ifrasau sa ephome, masi makristau makina pooti woonaka wira murima aya onniweemererya olooliwa sirumeeliwaka ifrasau sa ephome.

Okathi munipaka anyu soothanla voohimya sa olooliwa, muhaana othokorerya nikoho nla:

• Kinrowa omutthokiherya sai meetiku etthu enikiiriha okhootta wala weemererya ifrasau sikina sa ephome?

IPONTO SUULUPALE

Yehova oniphavela wira nittittimiheke ephome.

Wuuluula

• Xeeni Yehova onithokorerya awe ephome okhala yoowaarya?

• Ninsuwela sai wira yooruma ya Muluku ya ohilya ephome enihela muhina ohiheleliwa ephome?

• Ninrowa opaka sai yoothanla yooloka ya olooliwa erumeeliwaka ephome?

NWEHE ITTHU SIKINA

Itthu xeeni munireerela anyu othokorerya muhinatthi weemererya olooliwa erumeeliwaka ephome anyu?

“Makoho Anikohiwa ni Ale Anisoma Irevista Sahu” (Owehaweha, 15 a Outubro, 2000)

Itthu xeeni munireerela anyu othokorerya muhinatthi weemererya ifrasau sa ephome?

“Makoho Anikohiwa ni Ale Anisoma Irevista Sahu” (Owehaweha, 15 a Junyo, 2004)

Etthu xeeni yaamwiirinhe meetiku mmosa weemererya moonelo wa Yehova voohimya sa ephome?

“Kiheemererya Moonelo wa Muluku Voohimya sa Ephome” (Nvenye!, 8 a Dezembro, 2003)

Nwehe moota axitokweene anirumeela Ekomisau Enilavula ni Ixipitaali anaakhaliherya aya anna ni arokora.

Yehova Onnaakhaliherya Ale Aniwereiwa (10:23)