Nyuwo Mwaanisuwela?

Niireke Empa ya Muluku oYerusalemu, yaahitthikela otekiwa nuumala 70 E.C.?

Yesu aahilavula wira maluku a empa ya Yehova khiyaarowa ovikaniha okhala; nto eprofesia eyo yaahiiraneya okathi anakhotto a oRoma yaawo yaahooleliwe ni Tito yaamuhononne aya Yerusalemu 70 E.C. (Math. 24:2) Nuuvira okathi, Muhooleli Juliano aahiphavela otthikela oteka empa ya Muluku.

Juliano aahilavuliwa okhala muhooleli ookiserya a oRoma ahaamukupali Muluku. Musulu awe ola Constantino Grande aahirowa exikola yiihaniwa exikola ya eKristau. Nto nuumala olaleiwa okhala mwene eyaakha 361 E.C, owo aahikhootta itthu saasomale awe exikola yeKristu, vamosa ni eKristau yoohiloka ya okathi ole, onavaha efaita mweettelo wa epagau. Iliivuru sinilavula itthu sowiiraneya sinnimuromola owo okhala “Nammwareya”.

Juliano aaninyokha vanceene eKristau. Waaniheryasa etthu yiiranen’ye okathi aarina awe iyaakha thanu na mosa, ti yaamwiiriha onyokha, okhala wira aahaaweha ahooleli awe awiivaka apapawe ni amusi awe alopwana. Moovarihana ni alipa oohimya sowiiraneya sa ikerexa, Juliano, aahaatumererya aYuda otthikela oteka empa ya Muluku ophavelaka wooniherya wira Yesu aari profeta owootha.a

Khuuvo onihoverya ipalano sa Juliano sa otthikela oteka empa ya Muluku. Alipa ootokosa sowiiraneya khanisuwela akhala wira muteko wootthikela otekiwa waahiiraneya tthiri; nto akhala wira waahiiraneya, etthu ene yiirinhe ohiyereriwa muteko owo khanisuwela. Ekeekhai wira etthu emosa yaahiiraneya. Juliano aahiiviwa vahinatthi omala iyaakha piili sa omwene awe, nto ipalano sawe sotheene saahimala-mala.

[Enoota]

[[Elatarato epaaxina 32]

Waaniheryasa moota saaryaaya empa ya Muluku okathi wa Yesu, eryeene vasulu va muttetthe a vano

[Ediagrama]

Opuro waari mwaako wa empa ya Muluku, vano erivo Esuuri ya Maluku.

[Masu a elatarato]

Photo: Todd Bolen/BiblePlaces.com