MAKOHO ANIKOHIWA NI ALE ANISOMA IREVISTA SAHU
Enithoonyerya exeeni “ekanyeryo” ni “eseelu”, seiyo Muluku oninvaha awe khula muKristau oowoottihiwa?—2 aKor. 1:21, 22.
Khalai, anela aatthittaniwa, aanitthitteeriwa voolokoni aahiiso vaseerani wira edukumento eyo ekhale yoweemereriwa
Voohimya sa maKristau oowoottihiwa, oliveriwa waya aahiiso etthuvo aya, ennihimmwa eliivuru ya 2 aKorinto 5:1-5, wira onitaphulela waakhela wiirimu erutthu ehinlipelela okhwa. Nave etthuvo eyo enihela muhina waakhela okumi ohinikhwa-tho.—1 aKor. 15:48-54.
EGriki ya vano, nuulumo nimosaru ninnirumeeliwa ohimmwaka anela oniwarihiwa muthiyana oowaakameliwa. Nna ntakiheryo nookhalela wa ale anrowa okhala mwaara a Kristu a nthoonyeryo.—2 aKor. 11:2; Wis. 21:2, 9.
Voohimya sa ale oowoottihiwa, enithoonyerya wira aavahiwa “eseelu” aahiiso ekanyeryo, otthittiwa mwa nthoonyeryo ni munepa wootteela wa Muluku. (aÉf. 1:13, 14) Eseelu ela enrowa okhala yoomalela, akhala wira mutthu owo onoororomeleya mpakha okhwa aahiiso mpakha okathi vakhaani ahinatthi opacerya maxakha maalupale.—aÉf. 4:30; Wis. 7:2-4.