Paraman SHaahettiyoogee Kaalettiyoobaa Gencciyoogaa

Issoti issoti bantta deꞌoy kaseegaappe loꞌꞌanaagaa hidootidi paraman shaahettoosona, harati qassi issippe deꞌanau koyiyaaba gidikkokka, bantta aqo laggee koyenna gishshau paraman shaahettoosona. SHin, paraman shaahettidaageetuppe darotu deꞌoy, hegaappe simmin eti qoppidoogaadan gidennan metiyaagaa gidees. Neeni ne aqo laggiyaappe mata wode paraman shaahettidaba gidikko, hegee hanno gakkanau nena gakkidabaappe keehi unꞌꞌissiyaaba gidiyoogaa akeekennan aggakka. Hegaa gishshau, aqo laggeppe paraman shaahettiyoogee kaalettiyoobaa genccanau maaddana danddayiya, Geeshsha Maxaafan deꞌiya zoretuppe amaridaagaa qoppiyoogee daro maaddees.

METO 1: IITA QOFAA.

Miishshan metootiyoogaaranne naata dichiyoogaara gayttidabay, qassi boorasee keehi unꞌꞌissana danddayees; issi uri hegaa mala hanotay gakkiyo wode darotoo sohuwaara minettenna. Aqo laggiyaappe paraman shaahettidi daro layttaappe guyyiyankka, issoti issoti aqo laggee eta kaddidoogaanne aggidoogaa qoppoosona; etau “deꞌoy hada, azzanttiyaaba, qassi boorasanaadan oottiyaaba” gidiyoogaa Judiz Waleristteyin giyo eranchiyaa akeekaasu.

AY OOTTANA DANDDAYAY?

• Aggidoban azzaniyoogaa. Neeni haꞌꞌikka he uraa siiqiyo gishshau laamotana danddayaasa. Intte dabbotay duuxxidaba gidikkokka, neeni aqo deꞌuwan demmanau qoppido ufayssaa demmabeenna gishshau azzanana danddayaasa. (Leemiso 5:18) ‘Yeekkana koshshiyo wodiyan’ yeekkanau yeellatoppa.—Eranchchaa 3:1, 4.

• Asaappe shaahettoppa. Azzaniyo wode asaappe shaahettana koyiyaaba gidikkokka, asaappe daro wodiyau shaahettiyoogee qohees. (Leemiso 18:1) Yootiyoobay tuma gidikkokka, kase aqo laggiyaa darotoo amassaliyoogee harati neeppe haakkanaadan oottana danddayiyo gishshau, ne laggetuura minttettiyaabaa haasaya. Paraman shaahetta simmada sohuwaara gitabaa kuuyana koshshikko, neeni ammanettiyo ura zoriyaa bessa.

• Care for your health. The stress of divorce often brings physical problems, such as high blood pressure or migraines. Eat well, exercise, and get sufficient sleep.​—Ephesians 5:29.

• Ne kase aqo laggiyaa bolli yiillotanaadan oottiyaabata woy koshshennabaa diggaycha; shin keehi koshshiya woraqataa qotta. Bullachaa wode denddido pootuwaa malabay azzananaadan oottiyaaba gidikko, saaxiniyan ne naatuyyo qotta wotta.

• Qohiya qofaa teqqa. I azinay wodiraa laammin paraman shaahettida Olgga, “‘Taappe a aybin keehin ikko biidee?’ gaada darotoo tana oychays” yaagaasu. Gidoppe attin, Olgga guyyeppe akeekidoogaadan, qohiyaabaa darotoo qoppiyoogee ‘ayyaanay meqqanaadan’ oottana danddayees.—Leemiso 18:14.

  Daroti bantta qofaa xaafi oyqqiyoogee banttana qofissiyaabaa shaakkidi eranaadaaninne hegaa danddayana mala maaddidoogaa akeekidosona. Neeni teqqanau baaxetiyo, qohiya qofaa aggada loꞌꞌo qofaa qoppanau mala. (Efisoona 4:23) Ane naaꞌꞌu leemisota beꞌa:

  Qohiya qofaa: Ta aqo laggee wodiraa laammidoy ta mooruwaana.

  Loꞌꞌo qofaa: Ta mooroy ta aqo laggee iitabaa oottanaadan gaaso gidana danddayenna.

  Qohiya qofaa: Ta yelagatetta layttaa iita uraara coo wurssaas.

  Loꞌꞌo qofaa: Taani aadhidabaa gidennan sinttanaabaa qoppikko keehi ufayttana.

• Qohiya qofaa siyoppa. Ne laggetinne dabboti neeyyo loꞌꞌobaa qoppikkonne, ‘A kasekka neeyyo hanenna asa’ woy ‘Xoossay paraman shaahettiyoogaa ixxees’b giyoogaa mala nena qohiyaabaa woy bessennabaa yootana danddayoosona. Geeshsha Maxaafay, “Asai haasayiyo qaalaa muliyaa ezggada polana gooppa” yaagees. (Eranchchaa 7:21) Paraman shaahettoosappe naaꞌꞌu laytta gidido Marttina hagaadan gaasu: “Asay giyo qohiyaabaa yereriyoogaappe issibaa Xoossay xeelliyoogaadan xeellanau malays. A qofay nu qofaappe xoqqees.”—Isiyaasa 55:8, 9.

• Xoossaakko woossa. I bau goynniyaageeti ‘hirggissiya ubbabaa a bolli olanaadan,’ ubba qassi keehi unꞌꞌettiyo wode hegaadan oottanaadan minttettees.—1 PHeexiroosa 5:7.

METO 2: NE KASE AQO LAGGIYAARA DEꞌIYA GAYTOTETAA.

Aqo deꞌuwan 11 layttaa issippe deꞌida Juliyaana hagaadan gaasu: “Ta azinay aggidi beennaadan a woossaas. SHin i bi simmin, anne i ikko biido maccaasiyo keehippe ixxaas.” Paraman shaahettida daroti bantta kase aqo laggiyaa daro layttau keehi morkkoosona. SHin etau naati deꞌiyaaba gidikko, koyennaba gidikkokka darotoo haasayoosona.

AY OOTTANA DANDDAYAY?

• Ne kase aqo laggiyaara saruwan deꞌa. Koshshiyaabaa xallaa haasaya, qassi yootiyoobay qanttanne qoncce gido. Hegaadan oottiyoogee sarotettan deꞌanaadan maaddiyoogaa daroti akeekidosona.—Roome 12:18.

• Qohiyaabaa haasayoppa. Neeni qohettidabadan qoppiyo wode, “Amarida qaala haasayiya asi eranchcha” yaagiya, Geeshsha Maxaafan deꞌiya aadhida eratetta zoree maaddees. (Leemiso 17:27) Neeni he wode loꞌꞌo hanotan haasayanau metootiyaaba gidikko, “Hegaa xeelliyaagan qoppada nenaara hara wode haasayana” gaana danddayaasa.

• Danddayettida keenan ne kase aqo laggiyaara bessiyaaban bessennaban gayttoppa; hegee higgiyan koyettiyaabaara, miishshaara, qassi akkamettiyoogaara gayttidaba gidana danddayees.

METO 3: NE NAATI HANOTAA MEEZETANAADAN MAADDA.

Maariya paraman shaahetta simmin sohuwaara hanotay waanidaakko hassayada hagaadan gaasu: “Ta kaalo naꞌiyaa ubba wode yeekkausu, qassi hiixan sheꞌiyoogaa doommaasu. Ta bayra naꞌiyaa ba qofaa genttanau maliyaaba gidikkokka, akka kaseegaappe laamettidoogaa akeekaas.” Ne naati nena kaseegaappe aaruwan koyiyo wode, eta maaddanau wodiyaa woy wolqqaa xayidabadan qoppana danddayaasa; hegee azzanttiyaaba.

AY OOTTANA DANDDAYAY?

• Ne naati bantta qofaa neeyyo yootanaadan minttetta; eti ‘xala qaalan’ haasayiyaaba gidikkokka bantta qofaa neeyyo yootanaadan minttetta.—Iyyooba 6:2, 3.

• Oottana bessiyaabaa ootta. Nena qofan minttettiyaabaa koyiyo wode, ne naꞌay woy naꞌiyaa minttettanau koyiyaaba milatikkokka, issi naꞌi hegaa mala metuwan maaddanaadan oychiyoogee bessiyaaba gidenna. (1 Qoronttoosa 13:11) Ne naꞌau woy naꞌeeyyo ne xuuraa yootoppa woykko neessinne ne kase aqo laggiyaassi gaannatanaadan woy au woy iyyo kiitaa yootanaadan oottoppa.

• Ne naatu hanotay laamettanaadan oottoppa. Keettaa laammennaagee, qassi kase oottiyoobaa ubbatoo oottiyoogee keehi maaddees; ubba Geeshsha Maxaafaa nabbabiyoogaanne so asaa goynuwaa mala ayyaanaaban ubbatoo oottiyoobaa aggennaagee keehippe koshshiyaaba.—Zaarettido Wogaa 6:6-9.

Paraman shaahettiyoogee kaalettiyoobaa genccana danddayaasa. Aqo deꞌuwan 16 layttaa issippe deꞌida Meliisa, “Taani paraman shaahettiyo wode, ‘Taani koyidoy hagaa mala deꞌo gidenna’ gaada qoppaas” yaagaasu. I hanotay hegaa mala gidikkokka, haꞌꞌi woppa deꞌuwaa deꞌausu. A, “Kasebaa laammanau baaxetiyoogaa aggido gishshau, haꞌꞌi keehi ufayttays” yaagaasu.