Haggaazuwan Oosettidabaappe Ayfettiyaabata

Aassiyaageetu ooratta xoqqa qooday 8,851 gididoogan nuuni ubbay ufayttoos! Hegeetuppe 1,001⁠ti kaafiya aqinye. Intteppe daroti timirtte keettaa shemppo wodiyaa loytti haggaazanau goꞌettidoogan keehippe ufayttideta. Daroti bantta goꞌꞌaa aggiyoogan, Godaa Kahuwaa bonchiyo wodiyaappekka hara wodiyan kaafiya aqinye gididi bantta haggaazuwaa aassidoogan ufayttoos. Issoti issoti Naase aginankka hegaadan haggaazanaagaa ammanettoos; qassi hegaa ayfiyaa beꞌanau amottoos. Geeshsha Maxaafaa xannaꞌiyaageetu qoodaykka gujjidi, Isiiniyan 7,030 gididoogeekka ufayssiyaaba. Koshshay deꞌiyoogeeta aggennan kaalli maaddiyoogan harata siiqiyoogaa qonccissanaadan issoy issuwaa akeekissiyaageetanne minttettiyaageeta gidoos. Nu xinaatetuppe issoti issoti xammaqettennan aassiyaageeta gidanau giigettiiddi deꞌiyoonaa?