Ta Xuufeti Ay Mala Hanotan Deꞌiyoonaa

Nuuni asau immanau qoppido xuufeta ubbaa xeelliyaagan hegaadan giidi oychiyoogee loꞌꞌo. Qalamꞌꞌettida, moorettida, qitattida woy peerettida xuufeti harati nu dirijjitiyaa xeelliyaagan balabaa qoppanaadan oottanaunne issi uri he xuufetun deꞌiya, shemppo ashshiya kiitan goꞌettennaadan oottana danddayoosona.

Nu xuufeta waatidi maara oyqqana danddayiyoo? Daroti bantta haggaazo borssan issi mala xuufeta issippe wottiyoogee loꞌꞌo gidiyoogaa akeekidosona. Leemisuwau, eta borssan maxaafata wottiyo issi sohoy, maxeetetanne brooshureta wottiyo hara sohoy trakttetanne harabata wottanau qassi hara sohoy deꞌees. Bantta Geeshsha Maxaafaanne xuufeta bantta haggaazo borssan yeggiyo wode ubban, giddon deꞌiya hara xuufeta moorennaadan naagettidi, ubba xuufetakka suure zaaroosona. Issi issi aassiyaageeti bantta xuufeta geeshsha gidida plasttikiyan oyqqoosona. Nuuni xuufeta oyqqiyoy ayba ogiyankka gido, moorettida xuufeta asayyo immiyoogan nu haggaazuwaara gayttidaagan ooninne boranaadan gaaso gidiyaabaa oottana koyokko.—2 Qor. 6:3.