Erissuwaa

◼ Asau immiyo xuufiyaa: Usuppuniyan: Geeshsha Maxaafaa Taariketa. Laappuniyan: Tumuppe Geeshsha Maxaafay Tamaarissiyoy Aybee? Koyro gallassi xinaatiyaa doomissanau malite. Hosppuniyaaninne Uddufuniyan: Wochiyo Keelaanne Beegottite! maxeetiyaa. Keettaaway koyiyaaba gidikko, Tumaa Eranau Koyay? giya trakttiyaa immidi, xinaatiyaa doomissanau malite.

◼ Godaa Kahuwaa bonchi simmin, kaalliya woggaa gallassi, “Wurssettay Keehi Matattidee?” giya huuphe yohuwan dumma haasayay shiiqees.

◼ Usuppune 1, 2012 maxeetiyaappe doommidi asau immiyo Wochiyo Keelan “Taani Geeshsha Maxaafaa Tamaariyoobaa” giya huuphe yohoy ubbatoo kiyees. Layttay heezza gidido woy hegaappe guutta gidido naata yelidaageeti tamaarissanaadan hegee giigiis; he huuphe yohoy “Intte Naata Tamaarissite” giyaanne “Yelaga Naatuyyo” giya huuphe yohuwaara kayan kayan kiyees.

◼ Mata wode haggaazo layttaa irpporttiyan woy mati kiyida Laytta Maxaafaa wurssetta sinttan adrashay qonccibeenna biitti baanau halchiyo wode, kasetada akeekana bessiyaabaa eranau hayyanaa ne deꞌiyo biittaa macara biiruwaa oycha. He biittan Kawotettaa oosoy issi issi ogiyan digettidaagaa gidana danddayees. (Maa. 10:16) Issi issi biittatun deꞌiya Yihoowa Markkatuura woykko gubaaꞌiyaara gayttiyoogee loꞌꞌo gidennan aggana danddayees. Haggaazuwau qoppi kiyennan haggaaziyoogaa woy xuufiyaa gattiyoogaa xeelliyaagan neessi kaaletoy imettana danddayees. He kaaletuwaa neeni eeno gaada kaalliyoogee ne bollinne Kawotettaa oosuwaara gayttidaagan metoy gakkennaadan maaddees.—1 Qor. 14:33, 40.