Issi Santtimiyan Laamettiya Naaꞌꞌu Bakkannata

Kawotettaara gayttida oosuwaa nuuni kaafiyo waanna ogetuppe issoy alame yuusho sibikate oosuwaa miishshan maaddiyoogaa. Nuussi deꞌiya miishshi guutta gidikkoshin?

Issi wode beeta maqidasiyan miishsha yeggiyooban issi hiyyeesa amꞌꞌiyaa naaꞌꞌu bakkannata yeggishin Yesuusi beꞌiis. A Yihoowa siiqiyo gishshau, “ba pacaappe, bau de7iya aquwaa muleera” immaasu. (Mar. 12:41-44) I imotaa Xoossay keehi xoqqu oottidi xeelliyoogaa Yesuusi yootidobay qonccissees. Koyro xeetu layttan deꞌida Kiristtaanetikka sibikate oosuwaa miishshan maaddiyoogaa dure Kiristtaanetu xallay oottana bessiyoobadan qoppibookkona. Kiitettida PHauloosi Maqidooniyaa Kiristtaaneti “hiyyeesa gidikkokka . . . geeshshata maaddiyo lo77o oosuwaa . . . oottanau daro woossidosona” giidi eta leemisuwaa yootiis.—2 Qor. 8:1-4.

Yaatiyo gishshau, nuuni “issi santtimiyan laamettiya naa77u bakkannata” immiyaaba gidikkokka, daro asay immiyo guutta imotay issippe shiiqiyo wode daro gidana danddayiyoogaa hassayana koshshees. “Xoossai ufaissan immiya uraa siiqiyo gishshau,” nuuni wozanappe immiyo imotay saluwan deꞌiya nu keha Aawaa ufayssees.—2 Qor. 9:7.