Yihoowa Markkata—Oosuwan Qonccida Ammanuwaa, SHaaho 2: Pooꞌoy Pooꞌo

Ishaa Razerforddinne hara ishati 1919n qashuwaappe birshshettido wode, Geeshsha Maxaafaa Tamaareta sinttappe gita oosoy naagees. Yihoowa Markkata—Oosuwan Qonccida Ammanuwaa, SHaaho 2: Pooꞌoy Pooꞌo giya biidoy qonccissiyoogaadan, he wode Geeshsha Maxaafaa Tamaareta daroti ixxoosona, eti wodiyaappe wodiyan Geeshsha Maxaafaa loytti erana, eta ammanoy geeyana. (Lee. 4:18; Mil. 3:1-3; Yoh. 15:20) Ha biiduwaa beꞌa simmada, kaallidi deꞌiya oyshata zaarana danddayay?

(1) Geeshsha Maxaafaa Tamaareti mishiraachuwaa yootanau ayba hiillata goꞌettidonaa? (2) Awuraajjaa shiiquwan 1931⁠ninne 1935n odettidabay aybee? (3) Hidaare 1, 1939, Wochiyo Keelan kiyida keehippe koshshiya qofay aybee? (4) Ishaa Razerforddi, Madisen Isquwer Gardden giyoosan “Kawotettaanne Sarotettaa” giya huuphe yohuwan haasayaa shiishshido wode hanettidabaa qonccissa. (5) Ishaa Noori “Sarotettaa—Ubba Wodiyau Deꞌanee?” giya huuphe yohuwan shiishshido haasayay xoqqu ootti xeelliyooba gidiyoy aybissee? (6) Yihoowa Markkati sibikate oosuwaa aahuwan oottanau 1942n ay halchidonaa? (7) Amarkkan, Kanaadaaninne Giriiken mootidi shatimmidobatuppe amaridaagaa yoota. (8) Sibikate oosuwaa aassiyoogaara gayttidaagan Giiliyaade Timirtte Keettay ay keenaa goꞌidee? (9) Keehi koshshiya ayba oosoy 1946n doomettidee, aybissi? (10) Yihoowa Markkati Geeshsha Maxaafay yootiyo maaran deꞌanau ay oottidonaa? (11) Dirijjitee Geeshsha Maxaafaa maaraara moggiya ogiyan deꞌanau 1970 heeran giigissidobatuppe amaridaageeta yoota. (12) Ha dirijjitiyaa Yihooway kaalettiyoogaa, qassi hagee a dirijjite gidiyoogaa neeni loytta akeekanaadan ha biidoy waati maaddidee? (13) Metoy gakkishinkka, neeni ubbatoo mishettada haggaaziyoogan minnanaadan ha biidoy waati maaddidee? (14) Nu dabbota, nuuni xannaꞌissiyoogeetanne harata maaddanau ha biiduwaa waati goꞌettana danddayiyoo?

Issi gallassay aadhiyo payduwan Yihoowa Markkatu taarikiyan oorattabay hanees. Nuuni haggaazuwan baaxetidi oottidobay ay qonccissii? Kase nu ishati oottidoogaadan, nuunikka ubbatoo mishettidi ‘pooꞌuwaa pooꞌissiyaageeta’ gidoos!—2 Qor. 4:6.