Haggaazuwan Oosettidabaappe Ayfettiyaabata

Usuppuniyaa aginay hara aginatuppe qantta gidikkonne, intte minnidi oottido gishshau he aginay ufayssiya agina gidiis. Ha laytti kare biittaappe yiida tammanne usuppunati, qassi ha biittaappe 409 aassiyaageeti maqidooniyaa zamachaa biidosona. Aassiyaageetu ooratta xoqqa qooday 9,305, kumetta wode aqinyetu ooratta xoqqa qooday 1,639, qassi Geeshsha Maxaafaa xinaatetu ooratta xoqqa qooday 7,593 gidiis. Maxeeteta asau immiyoogaara gayttidaagankka, zillayttaagaara gatti xeelliyo wode, xeetaappe 37 kushe darees; hagee ooratta xoqqa qooda. Keehi ufayssiya harabay, aassiyaageeti zaarettidi oychiyoogaara gayttidaagan oottidobaa; zillayttaagaara gatti xeelliyo wode xeetaappe 19 kushe darees; hegee amakaayiyan issi aassiyaagee 5.7 zaaretti oychiis giyoogaa. Hegee keehi ufayssiyaaba! Godaa Kahuwaa bonchiyo heeran minnidi oottiyoobaara gayttidaagankka ufayssiyaaba siyanau yeemottoos.