Gubaaꞌe SHiiquwaa Prograamiyan Giigissidobata
Masqqala 3n doommiya saaminttaappe doommidi, Gubaaꞌiyaa Geeshsha Maxaafaa Xinaatee 25 daqiiqa gidiyoogee attidi 30 daqiiqa gidees. Kaalettiyaagee, doomettan aadhida saaminttan xannaꞌidobaa issi daqiiqan zaarettana koshshees. Haggaazo SHiiqoykka 35 daqiiqa gidiyoogee attidi 30 daqiiqa gidees. Hegaappe simmin, erissoy issi kifiledan shiiqenna. Hegaa gishshau, ay erissoynne Haggaazo SHiiquwaa koyro prograamiyaa doomettan odettees. Darotoo, guutta erissuwaa yootiyoogaa koshshana danddayees woy ayba erissonne yootiyoogaa koshshennan aggana danddayees; qassi shiiqana kifiletakka yootana koshshenna. Haggaazuwaara gayttida erissotanne Addaraashaa geeshshiyo prograamiyaa, qassi sarotaa yootana koshshenna. (km 10/08 sintta 1, mentto 4) Adussa erissoy odettiyo wode, hara kifiliyaa shiishshiyaageeti qanttidi shiishshanaadan kasetidi etau yootiyoogee loꞌꞌo.