Yelagati Oychiyo Oyshaa —Taani Ta Deꞌuwan Ay Oottanee? (SHaaho 2)
Yelagati Oychiyo Oyshaa—Taani Ta Deꞌuwan Ay Oottanee? giya biiduwan Interviews (oysha zaaruwaa) giyaagaa giddon Sections (shaahota) giyaagaa doora. Hegan deꞌiya heezzu kifileta beꞌa simmada, mentto 2n deꞌiya oyshata zaaretta. Qassi Supplementary Material (harabaa) giyaagaa doorada ichashu oysha zaarota beꞌa simmada, mentto 3n deꞌiya oyshata zaaretta.
SHaahota: Pattennabaa Oottiyoogaa woy Xoossau Oottiyoogaa—(1) Yelagati bantta deꞌuwan kaseyanaadan harati minttettiyo issi issi hoolleti awugeetee? (2) Yelagati ay keenaa tamaaranaakko kuuyanaadan 1 Yohaannisa 2:17y maaddiyoy ayba ogiyaanee? (3) Nuuni yayyidi xammaqettennan aggana bessennay aybissee? (4) Nuuni xammaqettanaadan maaddiya, kasetidi oottana bessiyo issi issibati aybee? Haggaazuwan Ufayttiyoogaa Meezetiyoogaa: (5) Issoti issoti haggaazuwan ufayttennay aybissee? (6) Nuna maaddana danddayiya issi issibati aybee? (7) Issoti issoti erenna ura haasayissiyoogaappekka aaruwan ay yayyiyoonaa, aybissi? (8) Yayyiyoogaa aggidi, xalan asa haasayissana danddayiyoy ayba ogiyaanee? (9) Haggaaziyo wode hiillancha gidana koshshiyoy aybissee? Haggaazuwau Dooyettida Aaho Penggiyaa: (10) Aqinyetettay ayyaanaaban diccanau daroppe maaddiyoy ayba ogiyaanee? (Pili. 3:16) (11) Daroti aqinye gidanau haganaa sugiyoy aybissee? (12) Miishshaara gayttida metuwaa genccanau maaddiya, Geeshsha Maxaafaa qofay awugee? (13) Issoti issoti aqinye gididi oottiyo wode banttau koshshiyaabaa kunttanau ay oottidonaa? (14) Issi uri kumetta wodiyan haggaazana danddayennaba gidikko ay oottana danddayii?
Harabaa—Buzo Xinaatiyaa Goꞌꞌaa: (15) Buzo xinaatiyaa aggennan xannaꞌiyoogee koshshiyaaba gididoy aybissee? Dabaaban Markkattiyoogaa: (16) Dumma dumma ogetun nuuni haggaaziyoogee ufayssiyaaba gididoy aybissee? Beeteele Oosuwaa: (17) Beeteele oosuwan ufayttanaadan oottiyaabati aybee aybee? Gubaaꞌiyan Oottiyaageeti Loohiyo Timirtte Keettaa: (18) Ha tamaare keettan (Machibeenna Ishati Loohiyo Timirtte Keettan) loohidaageeti goꞌettidoy ayba ogiyaanee? Giiliyaade Geeshsha Maxaafaa Timirtte Keettaa: (19) Piterinne Fiyona misoonaawe gididi oottanau giigettidoy ayba ogiyaanee, qassi Giiliyaade timirtte keettan goꞌettidoy ayba ogiyaanee?