Erissuwaa

◼ Asau immiyo xuufiyaa: Masqqalaaninne Xiqimitan: Wochiyo Keelaanne Beegottite! maxeetiyaa. Zaaretti oychiyo wode, Geeshsha Maxaafay Tamaarissiyoy giya maxaafaa woy keettaawaa hanotaadan, Xoossay Yootiyoobaa siya woy Xoossay Yootiyoobaa Siya Yaatada Merinau Deꞌa giya brooshuretuppe issuwaa erissana danddayeeta; yaatidi xinaatiyaa doomissanau malite. Hidaariyaaninne Tisaasiyan: Ubba Metooynne Tuggay Mata-Wode Xayana!, woy Tumaa Eranau Koyay? giya trakttetuppe issuwaa asau immana danddayeeta. Erana koyiya asaa demmiyo wode, Geeshsha Maxaafay Tamaarissiyoy giya maxaafaa woy Xoossay Yootiyoobaa siya woy Xoossay Yootiyoobaa Siya Yaatada Merinau Deꞌa giya brooshuretuppe issuwaa goꞌettidi xinaatiyaa doomissite.

◼ Godaa Kahoy bonchettiyo heeran shiiqiya dumma dere haasayay Hosppune 1, 2013n doommiya saaminttan shiiqees. Dere haasayaa huuphe yohoy deꞌishiiddi erissiyooba. He saaminttan woradaa xomoosiyaagee yiido, woykko gita shiiqoy deꞌiyo gubaaꞌeti dumma dere haasayau kaalliya saaminttan shiiqana danddayoosona. Ay gubaaꞌeekka gidin Hosppune 1ppe kasetidi dumma dere haasayau shiiqana koshshenna.

◼ Ichashe 15, 2013ppe doommidi, Paransaaye qaalan akeekanau metenna xannaꞌiyo Wochiyo Keelay giigana.

◼ MAGAAZEENIYAN DEꞌIYAABATA: Amaarattuwan: Toophiyan Deꞌiya Yihoowa Markkata—Laꞌatettaa Siiqiyaageeta (zaaretti attamettida brooshuriyaa); Inggilizettuwan: Siidiyaa Yihoowayyo Yexxite Cenggurssan Paydo 5; Sumaalettuwan: Trakttiyaa: Tuma Eranau.