Yelagati Oychiyo Oyshaa—Tumu Laggeta Waata Demmana Danddayiyaanaa?
Xoossay asaa naati issoy issuwau hashenne lagge gidanaadan oottidi medhiis. (Lee. 17:17; 18:1, 24) Hegaa mala dabbotan issoy issuwaa maaddiyaageeta gidanau, nuuni laggeta akeekan doorana bessees. (Lee. 13:20) Yelagati Oychiyo Oyshaa—Tumu Laggeta Waata Demmana Danddayiyaanaa? giya biiduwaa beꞌa simmada kaallidi deꞌiya oyshata zaarana danddayay?
Doomettaa:
(1) Tumu laggee aybee?
Lagge Gidennaadan Xubbiyaabaa:
(2) Issi asi tana asi siiqenna giyo qofaa waatidi aggana danddayii? (Pili. 2:4) (3) Nuuni nu eeshshaa kaseegaappe loyttanau koyana koshshiyoy aybissee, nuuni hegaadan oottanaadan ooni maaddana danddayii? (2 Qor. 13:11) (4) Nuuyyo daro laggeti deꞌanaadan ay oottana danddayiyoo?—2 Qor. 6:13.
Xoossaara Dabbotiyoogaa:
(5) Nuuni Yihoowaara waanidi mata dabbo gidana danddayiyoo, qassi hegee keehi koshshiyaaba gidiyoy aybissee? (Maz. 34:8) (6) Nuuni Yihoowa nu mata dabbo oottiyo wode, ay mala goꞌꞌiya laggeta demmiyoo?
Iita Laggeta:
(7) Iita laggeti oonee? (1 Qor. 15:33) (8) Iita laggeti issi uri ayyaanaaban qohettanaadan oottiyoy ayba ogiyaanee?
Ha Wodiyaa Diraamaa:
(9) Diino xeelliyaagan Geeshsha Maxaafay yootiyoobaappe ay timirtte demmiyoo? (Doo. 34:1, 2, 7, 19) (10) Taara Yihoowa Markka gidenna yelagatuura laggetidoogaau aybaa gaaso oottadee? (11) Taariira tamaariya naati o ayba daafaban yegganau malidonaa? (12) Taari aawaynne aayyiyaa i metuwaa akeekibeennay aybissee, shin ayyaanaaban gazddanaadan o waati maaddidonaa? (13) Issi aqinye michiyaa Taariyyo tumu lagge gididoy ayba ogiyaanee? (14) Taara kaseegaappe dumma ogiyan akeekidobay aybee?
Kuushshaa:
(15) Ha biiduwaappe ay timirtte demmadii? (16) Hara asaa maaddanau ha biiduwaa waata goꞌettana danddayay?
Xoossaa dabbo gididi deꞌanau maaddiya laggeta dooriyaageeta gidoos!—Maz. 15:1, 4; Isi. 41:8.